Komuna e Rahovecit: Ujërat e mbledhur në disa segmente rrugore, janë shkarkuar dhe tani gjendja është përmirësuar

Komuna e Rahovecit ka njoftuar se ujërat e mbledhur pas shiut të madh që ra atje janë shkarkuar dhe se tani gjendja është përmirësuar.

Komuna ka publikuar disa numra ku qytetarët mund të kontaktojnë për çfarëdo situate.

“112 – Numri unik emergjent;

193 – Njësiti i zjarrfikjes dhe shpëtimit;

192 – Policia e Kosovës”

“Pas rrëbesheve të shiut të orëve të pasdites, të cilat u shoqëruan edhe me breshër në shumë pjesë të Komunës së Rahovecit, ekzekutivi i komunës, zjarrfikësit dhe kompanitë e kontraktuara nga komuna, kanë dalë në terren për të përcjellë situatën. Ujërat e mbledhur në disa segmente rrugore, janë shkarkuar për pak minuta dhe tani gjendja është përmirësuar. Komuna ka angazhuar kompanitë e pastrimit të cilat sipas nevojës do të kujdesen për pastrimin e rrugëve dhe pusetave.”