Kurti: Bashkatdhetarët nga e hëna mund të marrin falas policën e sigurimit me vlefshmëri një muaj

Kryeministri Albin Kurti përmes një postimi në Facebook ka thënë se edhe këtë verë Kosova i pret bashkatdhetarët krahë hapur e me zemrën plot.

Ai ka njoftuar se bashkatdhetarët që vijnë me automjete, nga e hëna mund të marrin falas policën e sigurimit me vlefshmëri një muaj, transmeton Front Online.

Postimi i Kurtit:

Të dashur bashkatdhetarë,

Si çdo verë, e përherë, Kosova ju pret me krahë t’hapur dhe zemrën plot.

Ju që do të vini me automjete, nga e hëna mund të merrni falas policën e sigurimit me vlefshmëri një muaj, në cilëndo prej pikave kufitare hyrëse.

Mirë se vini në vendlindje!

Pushime të këndshme!