Mashtrim me mjete ndihmëse ortopedike, udhëheqësja e një kompanie në Shkup ka dëmtuar buxhetin e FSSH-së me 140 mijë euro

Është parashtruar kallëzim penal kundër I.T., si udhëheqëse e personit juridik “Bauer Find” DOOEL Import-Eksport Shkup dhe kundër personit juridik për shkak se ka lidhur kontratë trevjeçare me Fondin e Sigurimeve Shëndetësore (FSSh) me deklaratë të rreme noteriale, e cila ka dëmtuar buxhetin e institucionit për rreth 140 mijë euro, njofton Drejtoria e Policisë Financiare, transmeton Portalb.mk.

Drejtuesja e denoncuar ka dhënë deklaratë të rreme pranë një noteri që konfirmon se ndihma ortopedike që ajo prokuron dhe faturon në Fond me emërtimin “Ortoza e hipit me nyje” është e përshtatshme dhe i përgjigjet ndihmës “Pajisje plastike hip me kyç në gju dhe kyçin e këmbës “, megjithëse ishte në dijeni se një ndihmë e tillë nuk përputhet me indikacionet dhe diagnozat mjekësore të vendosura në listën e mjeteve ndihmëse ortopedike që kërkojnë konfirmim nga mjeku specialist.

Në këtë mënyrë, siç thotë Policia Financiare, ajo ka mashtruar Fondin për të lidhur kontratë për blerjen dhe dorëzimin e mjeteve ndihmëse ortopedike të papërshtatshme të quajtur “Ortoza e hipit me nyje” në periudhën 1.1.2014 deri më 31.12.2016.

Në atë periudhë kompania ka furnizuar Fondin me 171 nga këto ndihma, për të cilat ka ngarkuar një shumë prej 8.703.558 denarë ose 140 mijë euro, me çka është dëmtuar buxheti i këtij institucioni.

Kujtojmë se dy ditë më parë, Drejtoria e Policisë Financiare paraqiti kallëzim penal në Prokurorinë Themelore Publike kundër pronarit dhe udhëheqësit të një kompanie në Shkup, si dhe kundër kompanisë si person juridik për shkak të mos pagesës së TVSH-së në shumë prej rreth 180.000 euro.

• LEXO: Nuk pagoi TVSH prej 180.000 euro, Policia Financiare bëri kallëzim penal ndaj pronarit të një kompanie në Shkup