Më 31 maj dhe 11 qershor, rreth 15 mijë maturantë të RMV-së do të hyjnë në provimin shtetëror

Qendra Shtetërore e Provimeve më 31 maj dhe 11 qershor do të organizojë provimin shtetërorë për të gjithë nxënësit e vitit të fundit në arsimin e mesëm. Për realizimin e këtij testimi, janë angazhuar 2 mijë testues, transmeton Portalb.mk.

Provimi i parë është në gjuhën amtare dhe letërsi, si një provim obligative për të gjithë nxënësit, ashtu që në gjuhën maqedonase do të hyjnë 9969 nxënës, në gjuhën shqipe 4339, në gjuhën turke 292 dhe 10 nxënës në gjuhën serbe.

Provimit shtetëror planifikohet t’i nënshtrohen 15 004 mijë nxënës, ndërsa edhe këtë vit interesimi më i madh është për gjuhën angleze (13 457), matematikë (1246), gjuhë gjermane (73), 24 gjuhë frënge dhe 62 në estetikë, etj. Në këto teste, 8816 nxënës janë nga shkollat e mesme profesionale, 5 966 nga gjimnazet dhe 222 nga shkollat e arsimit artistik.

Nxënësit që nuk do të arrijnë të kalojnë me sukses provimin në afatin e qershorit, do të mund të hyjnë në afatin e gushtit.

Shkollat ​​e mesme në Shtip tashmë e dinë se ku do ta japin maturantët e tyre provimin e maturës shtetërore, përkatësisht në cilat salla dhe amfiteatro në Universitetin “Goce Dellçev”, tha më 12 maj Ministrja e Arsimit dhe Shkencës, Vesna Janevska, e cila po përgjigjej në një pyetje në lidhje me përgatitjen për dhënien e provimit të maturës shtetërore.

Ministrja e Arsimit dhe Shkencës shtoi se aktualisht po sigurohen kushtet për dhënien e provimit, pasi duhet të ketë një distancë prej një metri e gjysmë midis maturantëve. Ajo bëri thirrje për ndërgjegjësim tek nxënësit, prindërit dhe mësuesit dhe që të mos lejohet kopjimi i provimit të maturës shtetërore, pasi kjo bën dëm, jo ​​mirë.