Ministria i publikoi emrat e nxënësve që përfituan bursa në Akademinë e Sportit dhe Gjimnazin Matematiko-Natyror

Ministria për Arsim dhe Shkencë ka publikuar listën e nxënësve nga Akademia e Sportit dhe Gjimnazi Matematiko-Natyrore që kanë përfituar bursa për vitin shkollor 2024-2025, transmeton Portalb.mk.

Nxënësit që nuk janë në listën e fituesve, do të mund të reagojnë, ndërsa nxënësit që kanë fituar do të marrin vendimin përmes portalit elektronik e-uslugi.mon.gov.mk.

“Përfituesit e bursave nuk duhet të shtypin dhe nënshkruajnë marrëveshjet. Të gjitha të drejtat dhe obligimet rreth shfrytëzimin të bursës janë theksuar në vendim”, sqaroi Ministria.

Bursën nga Akademia e Sportit e kanë fituar 218 nxënës, ndërsa te Gjimnazi Matematiko-Natyrorë janë 37 nxënës përfitues.