Mjekët e spitalit “Kozle” kërkuan shkarkimin e drejtoreshës, reagoi Taravari

Një pjesë e personelit mjekësor në spitalin për fëmijë “Kozle” i është drejtuar me letër të hapur kryeministrit Hristijan Mickoski dhe ministrit të Shëndetësisë, Arben Taravari, përcjell TV21. Personeli mjekësor thotë se drejtoresha Karolina Simonovska me veprimet e saj po e shkatërron këtë spital, gjegjësisht ankohen për, siç thonë, shkatërrimin e kabinetit të bronheoskopisë, ku pas mosmarrëveshjeve, ka pasur një sërë dorëheqjesh dhe largime nga puna të personelit profesionist.

“Me këtë menaxhim, drejtoresha ka arritur që nga 67 bronheoskopi të kryera në vitin 2023, dhe prej 40 bronheoskopive nga janari deri në qershor të vitit 2024, në periudhën pas emërimit të saj, numri i bronheoskopive të bie në 3”, thuhet mes tjerash në letrën e personelit drejtuar kryeministrit dhe ministrit.

Ministri i Shëndetësisë, Arben Taravari, tha për TV21 se ka pranuar letër nga punonjësit e spitalit në “Kozle”, që siç bërë të ditur, janë nënshkruar të punësuarit ku kryesisht janë mjekë. Taravari tha se do të dëgjoj edhe drejtoreshën që të ketë të gjitha palët e më pas të merret vendimi për rastin.

“Po, kam pranuar letër nga kolektivi ku janë nënshkruar të punësuarit, kryesisht mjek, tani më duhet të dëgjoj edhe drejtoreshën për të mundur të sjellë vendim duhet të dëgjohen të gjitha palët”, tha Taravari për TV21.