Në Ditën ndërkombëtare për luftën kundër dhunës ndaj grave, autoritetet në RMV nënshkruan Memorandum bashkëpunimi
Në shenjë të Ditës Ndërkombëtare për Luftimin e Dhunës ndaj Grave – 25 Nëntor, sot në Ministrinë e Politikës Sociale, Demografisë dhe Rinisë, është nënshkruar Memorandumi i Bashkëpunimit ndërmjet Ministrisë dhe Këshillit Kombëtar për Barazi Gjinore, përfaqësuar nga ministri Fatmir Limani dhe kryetarja e Këshillit, Savka Todorovska, transmeton Portalb.mk. Me nënshkrimin e Memorandumit, të dyja […]
Në shenjë të Ditës Ndërkombëtare për Luftimin e Dhunës ndaj Grave – 25 Nëntor, sot në Ministrinë e Politikës Sociale, Demografisë dhe Rinisë, është nënshkruar Memorandumi i Bashkëpunimit ndërmjet Ministrisë dhe Këshillit Kombëtar për Barazi Gjinore, përfaqësuar nga ministri Fatmir Limani dhe kryetarja e Këshillit, Savka Todorovska, transmeton Portalb.mk.
Me nënshkrimin e Memorandumit, të dyja palët konfirmuan edhe një herë gatishmërinë e tyre për bashkëpunim, përmirësimin e gjendjes në vend në këtë fushë, duke ndërmarrë aktivitete të dy palëve nënshkruese.
“Qëllimi i aktiviteteve që do të ndërmarrim në periudhën në vijim është në drejtim të promovimit dhe avancimit të barazisë gjinore dhe mosdiskriminimit dhe përmirësimit të shërbimeve dhe aksesit në shërbime për grupet e cenuara, veçanërisht për gratë viktima të familjes dhe dhuna me bazë gjinore”, tha Limani.
Ai theksoi se memorandumi thekson rëndësinë e krijimit të politikave dhe strategjive që do të kontribuojnë në zvogëlimin e të gjitha formave të diskriminimit, qofshin ato pabarazi ekonomike, sociale apo kulturore të grave dhe burrave.
“Memorandumi inkurajon realizimin e ndryshimeve afatgjata në sistemet sociale, me qëllim arritjen e rritjes dhe zhvillimit gjithëpërfshirës që do të përfshijë të gjithë njerëzit. Në të njëjtën kohë, nënshkrimi i Memorandumit rrit përgjegjësinë e ministrisë dhe shoqatës tuaj për avancimin e pozitës së gruas. Është obligimi ynë që rregullisht të monitorojmë dhe vlerësojmë progresin në këto fusha”, tha Limani.
Palët ranë dakord se nënshkrimi i këtij dokumenti të rëndësishëm krijon një bazë të fortë për ndërtimin e një shoqërie të drejtë dhe gjithëpërfshirëse ku të gjithë individët do të kenë mundësi të barabarta dhe do të trajtohen me respekt dhe dinjitet.
Kujtojmë se çdo e dyta në tre gra në Maqedoni është përballur me përndjekje, kërcënime, fyerje, por edhe dhunë fizike, që na vendos në vendin e katërt në rajon. Dhuna kibernetike është më e theksuar. Sipas një studimi të OSBE-së, 62.8 përqind e grave në vendin tonë janë përballur të paktën një herë me ngacmime online dhe në një numër të madh rastesh janë publikuar edhe përmbajtje eksplicite. Situata është kritike sidomos në shkollat e mesme, ku sipas hulumtimeve, 78% e të anketuarve kanë qenë viktima të dhunës online. Por jo të gjitha të rejat inkurajohen të raportojnë ngacmimet.
