Në gjashtë vende të Maqedonisë së Veriut u ndalua përdorimi i dronëve

Agjencia për Aviacion Civil ka përcaktuar gjashtë vendet ku nuk do të lejohet përdorimi i dronëve në këtë periudhë, transmeton Portalb.mk.

Vendet ku është vendosur ndalesë për përdorimin e dronëve janë: sheshi “Maqedonia”, rruga “Dimitrie Çupovski”, bulevardi “11 tetori para Kuvendit të RMV-së”, rruga “Filipi i Dytë”, bulevardi “Goce Dellçe” deri të bulevardin “Ilinden” dhe para objektit të Qeverisë së Maqedonisë së Veriut.

“Operimi pa autorizim dhe pa koordinim i këtyre dronëve jo vetëm që do të rrezikon komunikacionin ajror, por do të mund të shkakton pasoja serioze te jeta dhe pasuria e personave të tretë në vend”, vlerësoi Policia e Maqedonisë së Veriut, duke theksuar se operimi i dronëve do të jetë arsye për sanksione në bazë të Ligjit për Aviacion.

Ndryshe, më 18 mars në stacionin policor në Shkup dhe Koçani  janë marrë tetë persona në bisedë informative për shkak se kanë përdorur dron për incizim të protestave që u mbajtën në këto dy qytete. Aty kishte edhe gazetarë të arrestuar. Mijëra protestues u mblodhën më 18 mars në sheshin e qytetit të Shkupit për të shprehur pakënaqësinë e tyre në lidhje me tragjedinë që kanë ndodhur në Koçan.

Paraprakisht policia kishte njoftuar për ndalimin e dronëve në disa vende.

• LEXO: Policia e RMV-së për një ditë ka marrë në bisedë informative tetë persona për shkak përdorimit të dronit
• LEXO: Në tetë vende të Maqedonisë së Veriut është ndaluar përdorimi i dronëve
• LEXO: Tragjedi në Koçan: 59 të vdekur dhe mbi 150 të lënduar nga zjarri në një diskotekë, viktimat janë të rinj