Nesër do të ketë regjim të posaçëm komunikacioni në Shkup

Me rastin e festës së natës të Krishtlindjes dhe për shkak të manifestimeve do të ketë regjim të posaçëm të komunikacionit, transmeton Portalb.mk.

Regjimi i posaçëm do të zhvillohet përgjatë rrugës “Petar Dejlan”, në të djathtë përgjatë rrugës “Boris Trajkovski”, në të majtë përgjatë bulevardit “Makedonija”, duke vazhduar përgjatë rrugës “Shën Kirili dhe Metodi” deri përballë Muzeut të Qytetit të Shkupit, më pas në rrugën “Makedonija” dhe vazhdohet në Sheshin “Maqedonia” ku do të mbahet manifestimi qendror.

Njësia e Sigurisë në Qarkullimin Rrugor do të marrë masa për ridrejtimin e trafikut si dhe masa për regjim të veçantë qarkullimi në rrugët ku do të ketë manifestime dhe përreth objekteve fetare.

SPB Shkup apelon te të gjithë qytetarët pjesëmarrës në komunikacion që të respektojnë urdhrat e dhëna nga zyrtarët policorë.