“Nuk e kisha përjetuar asnjëherë”, Sara Hoxha flet për raportin me Ledri Vulën: Shumë e vështirë të rrisësh një fëmijë pa partnerin

Sara Hoxha ishte e ftuar së fundmi në emisionin “Cherry on Top”, ku përveç temave të ndryshme, ajo foli sërish për raportin që ka me reperin e njohur Ledri Vulën, babain e vajzës së saj Poem.

Çifti, që për një kohë të gjatë kanë qenë në sytë e mediave dhe të publikut, vazhdojnë të jenë tema diskutimi për shkak të marrëdhënies së tyre, ku nuk dihet nëse janë bashkë apo të ndarë.

Gjatë intervistës me Bora Zemanin, Sara u pyet për të vërtetën e statusit të saj me Ledrin. Në vend që të japë një përgjigje të qartë, Sara zgjodhi të ruajë një qëndrim të përmbajtur dhe të mos zbulojë detaje specifike.

“Është një temë delikate që ende dua ta mbaj private, sepse ndonjëherë çfardo përgjigje të japësh nuk është asnjëherë ajo që publiku do të dëgjojë. Njëherë për njëherë, sa të qetësohet gjithçka të marrim dhe ne të marrim vesh çfarë po ndodh, të shkojë si të shkojë. Nuk jam duke e vrarë më mendjen për asgjë. Nuk e kisha përjetuar asnjëherë që nuk e di çfarë të thuash,” deklaroi Sara me një ton të qetë dhe të menduar.

Në të njëjtën intervistë, Sara Hoxha ndau dhe një mesazh të veçantë për nënat beqare. Ajo pranoi sfidën që sjell sjellja e një fëmije pa pjesëmarrjen e partnerit.

“Mamatë single janë heroina sepse është shumë e vështirë të rrisësh një fëmijë pa partnerin, por kemi prindërit, për të cilët jam falënderuese,” u shpreh ajo.