Paraburgim për tetë nga të arrestuarit në rastin “Aditiv”, Kovaçevskit i caktohet masa parandaluese

Nga 23 të dyshuarit dhe të arrestuarit në operacionin e mbrëmshëm “Aditiv”, tetë janë në paraburgim, një në arrest shtëpiak, ndërsa ndaj pjesës tjetër janë caktuar masa parandaluese.

“Pas aktgjykimit të prokurorit publik dhe të të dyshuarve të arrestuar, në prani të avokatëve të tyre, si dhe vlerësimit të fakteve dhe provave të bashkangjitura në propozimin për caktimin e masave, për të dyshuarit:

V.S., P.S., M.S., M.J., D.S., N.S., R.S. dhe P.M. pranoi propozimin e Prokurorit Themelor Publik dhe për ta caktoi masën e paraburgimit në kohëzgjatje prej 30 ditësh, për shkak të rrezikut për arratisje, ndikim te dëshmitarët dhe rrethanat që mund të përsërisë veprën penale, për të dyshuarin M.S. Gjykata, duke marrë parasysh moshën dhe veprimet e kryera, i ka caktuar masën arrest shtëpiak.

Për të dyshuarit:

D.S., S.M., P.Ç., D.S., A.M., Z.N., Z.A., S.M., M.V., D.Ç., V.M., N.N. dhe S.K., gjykata pranoi propozimin për caktimin e masës së kujdesit në përputhje, përkatësisht konfiskimin e dokumentit të udhëtimit, detyrimin për paraqitje të herëpashershme në gjykatë, ndalimin e mbajtjes dhe vendosjes së kontakteve”, njoftojnë nga Gjykata Penale.

Nga atje shtojnë se edhe Vasko Kovaçevskit, i cili nuk ndodhet në vend, me kërkesë të prokurorisë i është caktuar masa e kujdesit.