Paralajmëron gjenerali gjerman: Rusia, e aftë të sulmojë NATO-n

Rusia mund të sulmojë territorin e NATO-s në një mënyrë të kufizuar në çdo kohë, ka paralajmëruar një zyrtar i lartë ushtarak gjerman.

“Nëse shikoni aftësitë aktuale dhe fuqinë luftarake të Rusisë, ajo mund të nisë një sulm në shkallë të vogël kundër territorit të NATO-s që nesër”, tha gjeneral Alexander Sollfrank, shkruan Sky News.

Sollfrank kryeson komandën e operacioneve të përbashkëta të Gjermanisë dhe mbikëqyr planifikimin e mbrojtjes.

Ai përsëriti paralajmërimet e NATO-s se Rusia mund të nisë një sulm në shkallë të gjerë ndaj aleancës me 32 anëtarë që në vitin 2029.

Vladimir Putin mohon planet për këtë qëllim, duke këmbëngulur se pushtimi në shkallë të plotë i Ukrainës nga Moska ishte në fakt në mbrojtje kundër zgjerimit të NATO-s.

Ndërsa Flota e Detit të Zi ka pësuar humbje të konsiderueshme, flotat e tjera ruse nuk janë zvogëluar, shtoi ai.

“Forcat tokësore po pësojnë humbje, por Rusia thotë se synon të rrisë numrin e përgjithshëm të trupave të saj në 1.5 milion ushtarë”, tha ai.