Pas dy javëve pushim, deputetët e Maqedonisë së Veriut i kthehen punës

Deputetëve të Kuvendit të Maqedonisë së Veriut u ka përfunduar pushimi dyjavor, nga sot ata rikthehen punë, transmeton Portalb.mk.

Pothuajse pesëmbëdhjetë ditë më parë Kuvendi njoftoi për pauzën dyjavore të aktiviteteve të deputetëve për nder për 59 personave që humbën jetën nga zjarri në diskotekën e Koçanit,

Në agjendën e Kuvendit sot janë disa aktivitete.

Do të mbahen dy seanca plenare dhe seanca do të mbajnë edhe tre komisione.

Në rend dite janë edhe plotësimet e Ligjit për kundërvajtjet kundër rendit dhe qetësisë publike ku propozohen ndalesa për përdorimin e mjeteve piroteknike në hapësirë të mbyllur dhe rritje e gjobave për persona fizikë dhe juridikë.

Publiku pret që të formohet Komisioni Hetimor për tragjedinë e Koçanit.

• LEXO: Komiteti i Helsinkit: Kuvendi të fillojë funksionimin, është e papranueshme që deputetët të mos mbajnë seanca gjatë një tragjedie si e Koçanit
• LEXO: Kuvendi i RMV-së: Nuk është e vërtetë se nuk punojmë, janë anuluar vetëm seancat plenare dhe disa ngjarje të tjera
• LEXO: Që të mos “rrihen” për tragjedinë e Koçanit, do t’i heshtin pyetjet e deputetëve, Kuvendi dy javë në pauzë