Prokuroria në Manastir kërkoi që masa e ngrirjes së fondeve në rastin e keqpërdorimeve në REK Manastir të mbetet në fuqi
Prokuroria Themelore Publike në Manastir dje kërkoi përsëri nga Gjykata Themelore në Manastir të miratojë vendimin për përcaktimin e masës së përkohshme – ngrirjen e fondeve në shumë prej afërsisht 3 milionë eurosh nga llogaria bankare e personit juridik Shoqëria për Prodhim, Tregti dhe Shërbime RUD-KOP Import-Eksport SHPK Manastir, për shkak se ekziston dyshim i […]
Prokuroria Themelore Publike në Manastir dje kërkoi përsëri nga Gjykata Themelore në Manastir të miratojë vendimin për përcaktimin e masës së përkohshme – ngrirjen e fondeve në shumë prej afërsisht 3 milionë eurosh nga llogaria bankare e personit juridik Shoqëria për Prodhim, Tregti dhe Shërbime RUD-KOP Import-Eksport SHPK Manastir, për shkak se ekziston dyshim i bazuar se paratë janë fituar si përfitim i paligjshëm nga vepra penale – Keqpërdorim i pozitës dhe autoritetit zyrtar sipas nenit 353 të Kodit Penal, transmeton Portalb.mk.
Gjegjësisht, duke vepruar sipas ankesës së personit juridik, Këshilli Penal i Gjykatës Themelore në Manastir nxori vendim me të cilin e anuloi vendimin e gjykatësit në procedurën e mëparshme dhe lejoi zhbllokimin e fondeve, ndërsa në këmbim u caktua masë – ndalim për disponim dhe tjetërsim të pasurisë së patundshme dhe mjeteve motorike në pronësi të personit juridik.
Prokuroria Publike e Manastirit nuk është njoftuar për vendimin e Këshillit Penal të Gjykatës së Manastirit, as nuk ka pasur të drejtë ankese. Vendimi për zhbllokimin e fondeve u mor vetëm 2 muaj pasi personi juridik paraqiti ankesë dhe në të njëjtën ditë që Prokuroria Themelore Publike në Manastir ngriti aktakuzë në gjykatë kundër 10 personave për abuzime në prokurimin publik për përzgjedhjen e një kompanie për nxjerrjen e djerrinës në REK Manastir, përmes së cilës ekziston dyshimi se është fituar përfitim i konsiderueshëm material. Aktakuza propozon humbjen e atij përfitimi nëse arrihet një dënim.
Prokurori publik kompetent nga Prokuroria Themelore Publike në Manastir konsideron se vendimi i Këshillit Penal për zhbllokimin e fondeve e bën të pamundur, përkatësisht e bën plotësisht të pasigurt konfiskimin e mundshëm në të ardhmen të këtyre fondeve si përfitime të drejtpërdrejta pasurore nga krimi.
Për më tepër, duke modifikuar masat e përcaktuara fillimisht, Gjykata lejoi që prona të ngrihej në këmbim të fondeve – një tokë në një zonë industriale dhe 37 automjete për të cilat nuk ka asnjë provë se janë fituar pas kryerjes së krimit ose se përfitimi pasuror është përdorur për blerjen e tyre. Këto janë automjete, shumica e të cilave janë prodhuar në vitet 2007 dhe 2008, dhe disa në vitet 1990, gjë që nuk tregon në asnjë mënyrë se ato kanë qenë objekt i një krimi që, sipas aktakuzës, është kryer në vitet 2022 dhe 2023.
Për këto arsye, Prokuroria Publike e Manastirit reagoi menjëherë pasi mësoi për këtë vendim, njoftoi Drejtorinë e Policisë Financiare dhe Drejtorinë e Inteligjencës Financiare dhe menjëherë i paraqiti Gjykatës një propozim të ri për sigurimin e përfitimit pasuror ndërsa procedura është në vazhdim. Gjykatësi i çështjes e pranoi propozimin dhe lëshoi një vendim për të ngrirë përsëri fondet në llogarinë e RUD-KOP.
Kujtojmë se në filli të këtij muaji, Prokuroria Themelore Publike Manastir ngriti aktakuzë kundër 7 personave të cilët dyshohet se kanë kryer vepër penale si bashkëpunëtorë – Keqpërdorim i pozitës dhe autoritetit zyrtar sipas nenit 353 paragrafi 4 në lidhje me paragrafin 1 të Kodit Penal me veprime që shkaktuan dëm të konsiderueshëm pasuror në Buxhetin e SHA EMV – Dega REK Manastir në shumë prej 178.370.319 denarë. Janë ngritur akuza edhe kundër 3 zyrtarëve nga Byroja e Prokurimit Publik, të cilët, si bashkëpunëtorë në një vepër penale të Pakujdesisë në shërbim sipas nenit 353c, paragrafi 4 i Kodit Penal, me mosushtrimin e mbikëqyrjes së duhur, vepruan qartësisht me neglizhencë në ushtrimin e kompetencave dhe detyrave të tyre gjatë kryerjes së kontrollit administrativ të procedurës së prokurimit publik.
