Rama: Opozita e kërkon voton për të shkatërruar gjithçka, ne e kërkojmë për të futur Shqipërinë në BE

Në takimin e zhvilluar me kandidatët për deputet të qarkut të Tiranës, kryesocialisti Edi Rama nuk i ka kursyer ironitë edhe për opozitën.

Rama tha se opozita e kërkon votën e qytetarëve për të shkatërruar gjithçka që është arritur deri më tani , por PS sipas tij, e kërkon votën të futur në BE Shqipërinë.

 “Përballë nesh janë forca që duan votën për të kthyer përmbys gjithçka që është ndërtuar deri tani. Barazia para ligjit dhe ndërtimi i institucioneve që bëjnë dallimin midis vendeve nuk janë diçka që janë e garantuar nëse ne nuk jemi pjesë e BE. Prandaj kjo është themelore. Nga ana tjetër, po kaq konkrete është mundësia që çdo shqiptar të pajiset me pasaportën evropiane të Shqipërisë. Dëgjoja disa që thoshin nëpër komente që shi tani e la Evropën dhe tani do të na japë pasaportën. Pasaportën e BE buron nga hyrja në BE dhe ne duhet të bëhemi anëtarë që të bëhemi anëtarë. Marrja e pasaportës për çdo shqiptar është moment transformimi i jetës së tij. Pasaporta i jep më në fund atë që s’e ka pasur kurrë, dinjitetin e barabartë me këdo tjetër në diellin e përbashkët të Evropës. I jep statusin e barabartë dhe mundësinë që kurrë më të mos shihet qytetar/e e dorës së dytë. I jep të gjithë fëmijëve të studiojnë në vendet e BE si shtetas të BE dhe jo si studentë të huaj.”, tha Rama.