RMV, padi për policin pasi u gjet drogë në vendin dhe kohën e punës
Policia e Maqedonisë së Veriut ka ngritur kallëzim penal për një punonjës të policisë nën dyshimet e bazuara se në vendin dhe kohën e punës te ai është gjetur drogë për konsum, transmeton Portalb.mk. “Kallëzim penal kundër A.M., nëpunës policor në SP me KP Ohër pranë SPB Ohër, për shkak të dyshimit se ka kryer […]


Policia e Maqedonisë së Veriut ka ngritur kallëzim penal për një punonjës të policisë nën dyshimet e bazuara se në vendin dhe kohën e punës te ai është gjetur drogë për konsum, transmeton Portalb.mk.
“Kallëzim penal kundër A.M., nëpunës policor në SP me KP Ohër pranë SPB Ohër, për shkak të dyshimit se ka kryer veprën penale “prodhim i paautorizuar dhe lëshimi në qarkullim i drogave narkotike, substancave psikotrope dhe prokursorëve’’ sipas nenit 215 paragrafi 1 të Kodit Penal”, raportoi Policia, duke nisur edhe procedurë disiplinore dhe largim nga vendi i punës.
Raportohet që te ai, në momentin kur ishte si sigurim në një objekt policor në Ohër, ishte gjetur lëndë narkotike.
“Në tavolinën e punës janë gjetur një lugë metalike me lëndë pluhuri të bardhë, një pecetë letre me lëndë pluhuri të bardhë dhe një shishe e vogël plastike me lëng të panjohur, me një tub të improvizuar nga kartëmonedha 10 denarëshe, e mbyllur me letër alumini në hapjen e shishes, në të cilën kishte mbetje të lëndës së panjohur”, raportoi Policia, duke shtuar se i dyshuari ka refuzuar të bashkëpunoj me mjekët dhe t’i nënshtrohet ekzaminimit.