Selena Gomez arrin statusin e miliarderes: I jam mirënjohëse njerëzve që blejnë produktet e mia

Selena Gomez ka arritur një tjetër sukses të madh në karrierën e saj – ajo është zyrtarisht miliardere.

Shtëpia botuese, e cila kryeson ‘Indeksin e Miliarderëve’ të Bloomberg, tha se vlera e saj totale neto tani qëndron në më shumë se një miliard euro, kryesisht falë markës së saj Rare Beauty.

Selena tani ka komentuar suksesin e saj të radhës.

“Jam shumë mirënjohëse për këtë, por mendoj se është e papëlqyeshme të flasësh për para. Mund të falënderoj njerëzit që blejnë produktet e mia për këtë sukses. Janë ata që e bënë realitet këtë ëndërr timen, kështu që unë jam me të vërtetë, me të vërtetë e nderuar dhe thjesht e lumtur”, tha ajo.

Selena është gjithashtu një nga miliarderet më të reja në Shtetet e Bashkuara të Amerikës.

Sipas Time, Rare Beauty “është produkti më i shitur i Sephora dhe është i disponueshëm në 36 vende” dhe vazhdon të fitojë më shumë para.

Vitin e kaluar, produkti më i njohur i markës së saj ishte një produkt për faqe që kushtoi 20 euro.

‘Indeksi i miliarderëve’ të Bloomberg raportoi se, përveç Rare Beauty, burimet e tjera kryesore të të ardhurave të Selenas përfshijnë turnetë e saj, albumet, angazhimet në aktrim, të ardhurat nga platformat muzikore dhe pasuritë e paluajtshme.