Shkollat në Tetovë ende të pasigurta nga zjarret, nuk kanë fonde për hidrantë
Pavarësisht se Inspektorati Komunal i Tetovës konstatoi mungesën e hidrantëve dhe aparateve kundër zjarrit në disa shkolla të qytetit, ende nuk është ndërmarrë asgjë që ky problem të zgjidhet, raporton Portalb.mk. Drejtorët e shkollave thonë se ende nuk e kanë pranuar raportin e inspektoratit, ndërsa ankohen edhe për mungesë të fondeve. Drejtori i gjimnazit “Kirili […]


Pavarësisht se Inspektorati Komunal i Tetovës konstatoi mungesën e hidrantëve dhe aparateve kundër zjarrit në disa shkolla të qytetit, ende nuk është ndërmarrë asgjë që ky problem të zgjidhet, raporton Portalb.mk.
Drejtorët e shkollave thonë se ende nuk e kanë pranuar raportin e inspektoratit, ndërsa ankohen edhe për mungesë të fondeve.
Drejtori i gjimnazit “Kirili Pejçinoviq”, Jeton Kamberi thotë se nuk u ka arritur raport zyrtar se çka kanë vërejtur dhe çka mungon.
“Por në bisedë me ta ne konstatuam mungesat dhe kemi nisur punët. Mungesa kemi në modelin e hidrantëve dhe mund vetë t’i zgjidhim andaj dhe kemi filluar me procedurë për ndërrim të pajisjeve brenda hidrantëve”, tha Kamberi.
Derjtori i shkollës fillore “Istikball” Imbërja Ademi tha se aparatet kundër zjarrit i servisuan sepse iu kishte kaluar afati.
“Problemi nuk ishte te ne por firma që servisonte kishte ndërruar numrin e telefonit, por i servisuam, ndërsa sa iu përket hidranteve një kohë të gjatë nuk kanë qenë funksionale. Ne nuk kemi buxhet për riparimin e hidrateve dhe se kemi ditur se në çfarë gjendje janë, por tani në kontakt jemi me komunën dhe inspektoratin dhe do ndajnë mjete të freskohen të njëjtët”, tha Ademi.
Javën e kaluar kryetari i Komunës së Tetovës Bilall Kasami deklaroi se komuna do të ndihmojë shkollat dhe institucionet komunale që nuk kanë mjete për këto pajisje.
“Institucionet që janë në ingerenca të komunës së Tetovës si shkollat dhe ndërmarrjet komunale, ku do të paraqitet problemi i mungesës së financimit nga buxheti vet anak, ne s komunë jemi të gatshëm të ndihmojmë këto institucione për eliminimin sa më të shpejtë të këtyre mangësive”, tha Kasami.
Kontrollet e inspektoratit komunal erdhën pas tragjedisë së zjarrit në Koçan, ku në shumë institucione u ngrit çështja se sa të sigurta janë objektet publike në rast të ndonjë zjarri.