Spiropali takohet me Presidentin e Asamblesë Parlamentare të Këshillit të Evropës

Gjatë pjesëmarrjes në punimet e Komisionit të Venecias, Kryetarja e Kuvendit të Shqipërisë, Elisa Spiropali, u takua edhe me Presidentin e Asamblesë Parlamentare të Këshillit të Evropës, Theodoros Roussopoulos.

Në takim ishte e pranishme edhe Kryetarja e Komisionit për Çështjet Ligjore, Administratën Publike dhe të Drejtat e Njeriut, Klotilda Bushka.

Kryetarja Spiropali dhe Presidenti Roussopoulos diskutuan mbi arritjet e Shqipërisë në thellimin e reformave, të cilat mundësuan nxjerrjen nga lista e vendeve në monitorim, forcimin e shtetit të së drejtës e respektimin e të drejtave të njeriut, luftën kundër korrupsionit, bashkëpunimin rajonal dhe mbi zgjerimin e bashkëpunimit mes Asamblesë Parlamentare dhe Kuvendit.