Tërmet me magnitudë 3.1 në pjesën lindore të Maqedonisë së Veriut

Një tërmet me magnitudë 3.1 ballë sipas shkallës Rihter është ndjerë sërish mëngjesin e sotëm në pjesën lindore të vendit. Epiqendra e tërmetit, siç njofton Observatori Sizmologjik pranë Fakultetit Matematiko-Natyror, ishteë në zonën Dellçevë-Berovë, 123 kilometra në juglindje të Shkupit, transmeton Portalb.mk.

Tërmeti është regjistruar në orën 08:46 dhe është ndjerë nga banorët e Berovës, Pehçevës dhe rrethinës.

Tërmeti i sotëm vjen pas dy tërmeteve radhazi që goditën këtë rajon pasditen e djeshme. Njëri ishte 3.6 dhe i dyti 2.9 i shkallës Rihter.