Toshkovski: Kemi informacione se një ish-kryetar komune i BDI ka qenë i përfshirë në organizimin e ngjarjeve të 28 nëntorit

Në lidhje me ngjarjet e festimit të 28 Nëntorit, Ditës së Flamurit Shqiptar, është zbardhur rasti në drejtim të kapjes së autorëve konkretë që kanë shkelur rendin dhe qetësinë publike dhe përdhosën e simboleve shtetërore. Por, nëse në prapavijë kemi ndonjë grup të organizuar që ka nxitur drejtpërdrejt këto veprime, rasti ende nuk është zbardhur, deklaroi sonte ministri i Punëve të Brendshme, Pançe Toshkovski.

Ai ka treguar se shërbimet e sigurisë kanë pasur informacione operative se pas ngjarjeve në Shkup në ditën e festimit dhe në Kumanovë kur u dogjën veturat dhe një fotokopje, qëndronin struktura të larta të BDI-së.

– Nuk do të doja të publikoja tani informacione për opinionin, por fakti është se ka informacione të caktuara operative se një ish-kryetar i BDI-së është përfshirë drejtpërdrejt së bashku me një grup tjetër në pjesën e organizimit të këtyre ngjarjeve, por ndryshe nga më parë kur kishim persekutime politike, tani MPB po vepron sipas drejtimit te PP me fakte dhe prova, nuk po shkojme qorrazi si dikur. Kështu do të jetë edhe në këtë rast. Nëse sigurojmë prova, do të veprojmë – tha Toshkovski.