Tragjedi në Koçan: 59 të vdekur dhe mbi 150 të lënduar nga zjarri në një diskotekë, viktimat janë të rinj
59 persona kanë vdekur ndërsa rreth 155 të tjerë janë plagosur si pasojë e zjarrit që e kaploi diskotekën “Puls” në Koçan të Maqedonisë së Veriut. Sipas informacioneve të para, zjarri ka shpërthyer në orët e hershme (16 mars) për shkak të përdorimit të mjeteve piroteknike që ishin përdorur për efektet vizuale gjatë koncertit. Viktimat […]
59 persona kanë vdekur ndërsa rreth 155 të tjerë janë plagosur si pasojë e zjarrit që e kaploi diskotekën “Puls” në Koçan të Maqedonisë së Veriut. Sipas informacioneve të para, zjarri ka shpërthyer në orët e hershme (16 mars) për shkak të përdorimit të mjeteve piroteknike që ishin përdorur për efektet vizuale gjatë koncertit. Viktimat janë të rinj nga mosha 14 deri në 24 vjeç. Një ekip prej gjashtë prokurorësh ka filluar hetimet. Ka 20 të dyshuar, dhe një pjesë nga të janë arrestuar. Ekipet e Kryqit të Kuq dhe institucionet tjera po ofrojnë ndihmë për familjarët e të lënduarve që presin para spitaleve. Ndihmë kanë ofruar edhe nga vendet fqinje dhe BE-ja, shkruan Portalb.mk.
Më poshtë i gjeni të gjitha zhvillimet, klikoni në link për të lexuar lajmet:
16:09 – Toshkovski: 20 të dyshuar, diskoteka ka punuar me licencë të falsifikuar të marrë me korrupsion
15:01 – Futbollisti i KF Shkupit Andrej Lazarov është në mesin e viktimave të zjarrit në Koçan
14:50 – SHGM dhe KEEMM me apel për raportim të kujdesshëm dhe etik për tragjedinë në Koçan
14:37 – Mesazhe ngushëllimi dhe ndihme nga BE-ja dhe SHBA-të për zjarrin në Koçan
14:12 – Vendet fqinje dërguan mesazhe ngushëllimi dhe ofruan ndihmë
14:10 – Ekipi i prokurorëve për hetim është zgjeruar edhe me një prokuror, gjithsej gjashtë prokurorë punojnë në hetimin e tragjedisë, njoftoi Prokuroria Publike.
14:00 – 20 pacientë në gjendje kritike, ka gjasa të dërgohen për mjekim jashtë Maqedonisë
12:38 – Qyteti i Shkupit thërriti seancë urgjente të Këshillit për 18 mars (të martën), për të ndihmuar familjet e viktimave
12:35 – Toshkovski: Numri i të vdekurve shkoi në 59, për katër persona është lëshuar urdhër arrest
12:20 – Akomodim në Shkup për familjet e të lënduarve nga zjarri
12:06 – Prokurori publik i shtetit Ljubomir Kocevski garantoi hetim të plotë dhe të shpejtë të rastin
11:45 – Dëshmi nga të rinjtë që i mbijetuan zjarrit: U dogj për dy minuta, u bë rrëmujë, më ka humbur motra
11:19 – Kryqi i Kuq i publikoi llogaritë për donacione për të dëmtuarit nga zjarri
11:04 – Viktimat nga zjarri janë fëmijë të moshës nga 14 deri në 24 vjeç.
11:00 – Instituti i Mjekësisë Transfuzionale njoftoi se kanë sasi të mjaftueshme të gjakut.
10:17 – Prokurori Publik formoi ekip prej pesë prokurorësh që do të kryejnë hetimet.
07:06 – Prokurorët nga Prokuroria Themelore Publike dhe Prokuroria Themelore Publike për Ndjekjen e Krimit të Organizuar dolën në terren.
Zjarri shpërtheu orët e para të mëngjesit të 16 marsit.
