“Tregu i Shkupit” është aksionari i dytë më i madh në “Macedonia Tourist”
“Tregu i Shkupit”, në të cilin pronarët shumicë janë ZSF-KOM-i i Fatmir Etemit dhe , “Sovremen dom” i Aco Dudlloskit, ka blerë mbi 44 mijë aksione në “Macedonia Turist”. Aksionet u shitën javën e kaluar, në një ankand publik të aksioneve, sipas parimit “gjithçka ose asgjë”. Me këtë tregtim të fundit, “Tregu i Shkupit”, sipas […]
“Tregu i Shkupit”, në të cilin pronarët shumicë janë ZSF-KOM-i i Fatmir Etemit dhe , “Sovremen dom” i Aco Dudlloskit, ka blerë mbi 44 mijë aksione në “Macedonia Turist”. Aksionet u shitën javën e kaluar, në një ankand publik të aksioneve, sipas parimit “gjithçka ose asgjë”. Me këtë tregtim të fundit, “Tregu i Shkupit”, sipas numrit të aksioneve, seriozisht iu afrua aksionerit dominues prej kohësh Done Tanevski, raporton Prizma.
Tashmë firma, e cila menaxhon 12 tregje të gjelbra në kryeqytet, ka 17.30 përqind të aksioneve në shoqërinë hotelierike. Para tyre është vetëm Tanevski me 17,72 aksione.
Ndryshimet e mëdha në strukturën pronësore të “Macedonia Turist” nisën në shtator. Shoqëria aksionare prej vitesh menaxhohej nga Done Tanevski dhe Sonja Bibanovska, tani përveç “Pazarit të Shkupit”, u bashkuan edhe “MG Fashion” e Zoran Antiqit, “Çezakomertz” e Simeon Pavlovit dhe “Promedika”, e cila ka tre pronarë.
Kompania hotelierike ka gjithsej dhjetë objekte, shumica e të cilave janë hotele. “Holiday Inn”, “Best Western”, “Bellevue” dhe “Karposh”, që janë në funksion dhe ato të mbyllura – “Bristol”, “Jadran”, “Vodno” dhe “Saraj”. Kompania posedon edhe të famshmen “Pivnica” në qendër të Shkupit, disa banesa në lokacione atraktive, si dhe ish objektin e “Interimpex”, afër shtëpisë “Dare Xhambaz”.
BIRN shkroi se dy nga aksionerët e rinj, Antiq dhe Etemi, janë përballur me probleme me Qendrën e Konservatorit në të kaluarën, kur bëhej fjalë për ndërtime pranë ndërtesave të rëndësishme, si shtëpia arabe dhe “Bristol”.
Etemi kishte probleme me mendimin konservatore për objektin e tij ngjitur me Spitalin Ushtarak, i cili është shpallur objekt monumental. Kompania “MG Fashion” e Zoran Antiqit mori vërejtje nga Qendra e Konservimit të Shkupit për renovimin e objektit të Post Bankës, e cila është ngjitur me Shtëpinë Arabe.
Kujtojmë se në tetor të këtij viti MPB ngriti kallëzim penal ndaj biznesmenit Fatmir Etemi, në të cilin thuhen se ai ka përdorur informacione të brendshme për të blerë aksione të një banke nga Shkupi. Por sipas Etemit, bëhet fjalë për një gjendje faktike të konstatuar gabimisht me të cilën janë keqinformuar institucionet kompetente dhe qytetarët. Ai tha se me këtë, i kanë dëmtuar reputacionin në sektorin e biznesit.
