U iniciuan komisione për mbikëqyrje profesionale për vdekjen e binjakëve dhe fëmijës nëntë vjeçar

Iniciohen komisione për mbikëqyrje profesionale për vdekjen e binjakëve dhe fëmijës nëntë vjeçar në shtet,  konfirmuan pasdite për MIA-n nga Ministria e Shëndetësisë.

Inspektorati Shtetëror Sanitar dhe Shëndetësor ka kryer mbikëqyrje të jashtëzakonshme inspektuese për vdekjen e fëmijës nga Shën Nikolla, ndërsa sot bëhet për rastin me binjakët e vdekur në spitalin e Prilepit.

Mbikëqyrje e jashtëzakonshme inspektuese për shërimin e foshnjës ishte kryer në tre vende – duke filluar nga mjeku amë, Spitali Klinik- Shtip dhe Klinika për Sëmundje të Fëmijëve në Shkup. Nga kontrollet inspektuese të jashtëzakonshme të kryera në këto institucione shëndetësore, Inspektorati Shtetëror Sanitar dhe Shëndetësor nuk ka konstatuar mangësi.

Komisionet profesionale duhet të konfirmojnë nëse ka pasur gabim mjekësor gjatë trajtimit të tre fëmijëve.

Paraprakisht, Drejtori i Inspektoratit Shtetëror Sanitar dhe Shëndetësor, Kiril Lazov, ka konfirmuar se ka lëshuar urdhër për mbikëqyrje të jashtëzakonshme inspektuese në spitalin e Prilepit për rastin e dy binjakëve të porsalindur që vdiqën katër ditë më parë.

“Kam dhënë urdhër dhe sot në spital do të bëhet një mbikëqyrje e jashtëzakonshme inspektuese. Do të kontrollohet i gjithë dokumentacioni në lidhje me të sapolindurit. Shpresoj që gjatë ditës së nesërme do të kemi raport për mbikëqyrjen e inspektoratit”, tha Lazov.