U rrit nga prindërit e ndarë, Fero: Kjo ka qenë një shkak që unë të devijoj

Feronit Shabani i njohur për publikun si Fero është shprehur se ende ka dashuri për ish gruan, Arbenita Ismajli. Ai u shpreh se bashkë i mban vajza e tyre.

“Kemi shumë respekt për njëri-tjetrin. Kam respekt dhe dashuri për të. Është nëna e vajzës sime, asnjëherë s’mund ta qes poshtë nënën e vajzës sime, ia shpresoj më të mirën e jetës asaj…Kemi menduar (për ribashkim), por kur nuk mund të gjesh gjuhën e përbashkët…”, ka deklaruar Fero para banorëve të Big Brother VIP Kosova.

Sipas tij, dashuria nuk duhet të shndërrohet në urrejtje dhe para fëmijëve “duhet të shfaqet respekt”.

Fero u shpreh se është rritur me prindër të ndarë.

“Kjo ka qenë një shkak që ka ndikuar që unë të devijoj”, ka shtuar ai.

Fero gjatë konferencë gjithashtu foli edhe për tema të shumta, sikurse për çështjen e kujdestarisë së vajzës e po ashtu edhe pse la muzikën.