Xhafer Tahiri: Pas 12 Tetorit rikthehemi për t’i përfunduar projektet në Novolan

Në një tubim në Novolan, kandidati për kryetar të Vushtrrisë, Xhafer Tahiri, u prit ngrohtësisht nga banorët, të cilët vlerësuan projektet e realizuara gjatë mandatit të tij të kaluar, si ujësjellësi, ndriçimi, rrugët, trotuarët dhe parku i fshatit.

Tahiri theksoi se në katër vitet e fundit puna ka stagnuar dhe bujqit janë lënë pa përkrahje.

Ai premtoi se pas 12 Tetorit do të rikthehet për të përfunduar projektet e lëna pas dore dhe për të sjellë zhvillim të qëndrueshëm për Novolanin.