Zajkova: Kërcënimet dhe shantazhet ndaj meje nuk do të më bëjnë të dorëzohem

Kryetarja e Partisë Liberal-Demokratike (PLD), Monika Zajkova, në konferencën e sotme për shtyp në selinë e partisë tha se kohëve të fundit ka marrë kërcënime, intensiteti i të cilave është rritur së fundmi, raporton Portalb.mk.

Ajo tha se nuk do të lejojë asnjë kërcënim, presion dhe shantazh në lidhje me qëndrimin partiak dhe personal për Ligjin që duhet të zvogëlojë provizionet bankare.

“Sulmet dhe shantazhet e kombinuara që vijnë nga ata të cilëve do t’u ulet fuqia dhe fitimet, kombinuar me ata që u janë pezulluar zyrat dhe privilegjet qeveritare, që duan të defokusojnë publikun nga politikat që ne promovojmë, nuk do të më bëjnë të heq dorë, sepse orientohem nga interesi publik edhe si deputete edhe si kryetare e PLD-së. Unë nuk i nënshtrohem asnjë kërcënimi, sepse gjithçka që propozojmë programatikisht në Kuvend është në interes të qytetarëve dhe shtetit”, tha Zajkova.

Ajo theksoi se qëndrimi i partisë është se do të veprojnë në mënyrë të pavarur në Kuvend, dhe në përputhje me parimet programore dhe vlerat liberale demokratike, do të mbështesin atë që mendojnë se është e mirë për shtetin dhe qytetarët dhe do të kritikojnë atë që mendojnë se nuk është e mirë.

Ajo potencoi se kërcënimet që merr meritojnë vëmendje nga autoritetet shtetërore.

“Nuk do të lejoj askënd të cenojë ideologjinë liberal-demokratike me shantazhe dhe kërcënime. Dhe po, e pashë foton e të pranishmëve nga ndonjë bord nismëtar për një kongres të jashtëzakonshëm të partisë, ja ku jeni dhe ju jeni gazetarë për shumë vite, kështu që edhe ju do të mund të konfirmoni se keni parë apo nuk keni parë njerëz. atje që njihen publikisht si demokratë liberalë. Nuk ka përfaqësues të organizatave dhe organeve komunale, nuk ka shumicë të supozuar me të cilën po manipulohet publiku”, tha Zajkova.

Kujtojmë që në fund të muajit tetor 2024 u njoftua se Partia Liberal-Demokratike (PLD) e udhëhequr nga Monika Zajkova braktisi koalicionin opozitar me LSDM-në.