Zjarr nën Kalanë e Shkupit, tetë zjarrfikës dhe katër automjete marrin pjesë në shuarjen e tij

Sonte ka rënë zjarr në afërsi të Kalasë në Shkup, njoftoi Qendra për Menaxhimin e Krizave (QMK), transmeton Portalb.mk.

“Zjarr nën rezidencën e KOM-it drejt ish-poligonit të autoshkollës, nën Kala. Aktualisht, Brigada e Mbrojtjes nga Zjarri ka ndërhyrë me tetë zjarrfikës dhe katër makina zjarrfikëse”, njoftoi QMK.

Kujtojmë se pas kërkesës për ndihmë nga Maqedonia e Veriut, Gjermania dhe Suedia mobilizuan nga dy avionë nga flota e BE-së të destinuar për luftimin e zjarreve – RescEU, dhe kjo ndihmë u plotësua nga një helikopter nga flota e stacionuar në Republikën Çeke dhe nga një helikopter secili nga Sllovenia dhe Serbia.

Qeveria e Maqedonisë së Veriut ka marrë vendim për ekzistimin e gjendjes së krizës për shkak të rritjes së shfaqjes së zjarreve në territorin e vendit.

Kujtojmë se është vënë ndalesë e plotë e lëvizjes në pyje dhe toka pyjore në territorin e menaxhuar nga NP “Pyjet Kombëtare”, i cili do të zgjasë deri në ditën e shfuqizimit të tij, në periudhën nga ora 06:00 deri në orën 20:00. 

• LEXO: KE: BE po mobilizon ndihmë shtesë për të luftuar zjarret në Maqedoninë e Veriut