A1 nuk i shet telefonat Samsung për 123 denarë

Operatori i telekomunikimit A1 nuk ofron shitje në modelin më të fundit të telefonit Samsung. Kompania ndau një njoftim në të cilin ata paralajmërojnë se marka e tyre po keqpërdoret. Në faqen zyrtare të A1 Maqedonia shihet se telefonat Samsung S24 Ultra shiten për 76.499 denarë. Nuk ka logjikë të shesësh një nga telefonat më të rinj dhe më të shtrenjtë për vetëm 123 denarë, shkruan Vërtetmatësi.

Po shqyrtojmë një postim në Facebook ku shpërndahet një lotari false dhe keqpërdor marka e operatorit të telekomit A1.
Në njoftim thuhet:

Ju ftojmë në një shitje të mbyllur nga A1!
Merr Samsung S24 Ultra për vetëm 123 denarë!

Postimi në Facebook ju drejton të klikoni një buton “Aplikoni tani” për të supozuar se merrni pjesë në shitjen e madhe. Kur klikoni në këtë buton, reklama ju ridrejton në një faqe interneti me një tekst më të gjatë të shkruar në polonisht me titullin “Dieta vegane – gjëra të rëndësishme që duhet të dini”. Teksti nuk ka të bëjë absolutisht me A1, shitjen e telefonave apo me Maqedoninë.

Nga këtu bëhet e qartë se bëhet fjalë për ridrejtim të rrejshëm në faqe interneti, e jo për lojë shpërblyese, gjegjësisht për promovim për të marrë celularin për 123 denarë. Është një mënyrë mashtruese në të cilën qytetarët manipulohen për të vizituar një faqe interneti, pa iu dorëzuar asnjë telefon.

Vetë faqja në Facebook nga e cila është shpërndarë postimi është e sapokrijuar, ka vetëm 14 ndjekës dhe asnjë përmbajtje tjetër përveç disa postimeve të ngjashme rreth shitjes së rreme (këtu dhe këtu).

Për të ndikuar më tej në të menduarit dhe vendimmarrjen e përdoruesve të Facebook, komentet nën postim, me shumë gjasa nga profilet e boteve, ndajnë përvojat e supozuara pozitive nga pjesëmarrja në shitje:

Veprimi ngriti dyshime, ndaj vendosa të telefonoj A1, të cilët konfirmuan se një veprim i tillë ekziston për përdoruesit e Facebook. Kështu që unë u them të gjithëve me siguri, është e vërtetë. Mos kini frikë të bëni aplikimet tuaja!

Sa të befasuar ishim që kompania madje bëri dorëzimin vetë. Dhe ne jemi shumë të lumtur!

Por këto komente, ashtu si vetë shitja, janë të pavërteta. Atyre u mbetet vetëm të krijojnë pamjen e besueshmërisë, në mënyrë që ata përdorues të Facebook-ut që do të dyshojnë në përmbajtjen e postimit të binden se është një ofertë “legjitime” dhe e vlefshme.

Kjo nuk është faqja zyrtare e A1 Maqedonisë, por është një faqe e krijuar posaçërisht me qëllim të mashtrimit të përdoruesve, në të cilën është keqpërdorur marka, logoja dhe numrat e telefonit të operatorit A1.
Faqja zyrtare në Facebook e A1 Maqedoni ka 319 mijë ndjekës dhe nuk ka fare postim të tillë “shitje”. Përkundrazi, kompania ndau një njoftim pak ditë më parë duke paralajmëruar se marka e tyre po keqpërdoret.

Ju njoftojmë se në rrjetet sociale shfaqet një faqe e rreme me emrin A1 Maqedoni, ku publikohen oferta inekzistente dhe të pavlefshme me çmime jo reale, duke abuzuar me identitetin korporativ të A1 Maqedonisë. Ne ju bëjmë thirrje që të jeni jashtëzakonisht të kujdesshëm me këtë formë mashtrimi dhe të mos lini të dhënat tuaja personale që mund të keqpërdoren dhe t’ju shkaktojnë dëme financiare. Kjo është faqja e vetme dhe zyrtare e A1 Maqedoni në Facebook, ku publikojmë ofertat dhe njoftimet tona.

Në fakt, celulari i cili shitet në faqen reale të A1 me çmim prej 76.499 denarë. Nuk ka logjikë që një nga telefonat më të rinj dhe më të shtrenjtë të shitet për 123 denarë.

Përdoruesit e Facebook duhet të jenë veçanërisht të kujdesshëm që të mos lënë të dhënat e tyre bankare dhe personale për të marrë pjesë në lotari dhe shitje. Nëse një çmim duket shumë i pabesueshëm për të qenë i vërtetë, atëherë është pothuajse e sigurt që është një mashtrim.

Vërtetmatësi intensivisht ekspozon dezinformata dhe postime mashtruese ku çmimi joreal prej 100 denarësh apo të ngashme të përdoret për promocione të ndryshme, për sende të bardha, elektronikë, elektroshtëpiake, mobilie dhe produkte të ngjashme dhe në të cilat keqpërdoren emrat e markave të njohura.

Për të gjitha faktet e mësipërme, ne e vlerësojmë postimin që po shqyrtojmë si të pavërtetë.