Abdixhiku i prezanton kandidatët e LDK-së për deputet nga Fushë Kosova

Kryetari i LDK-së Lumir Abdixhiku, ka marrë pjesë në tubimin e organizuar nga kjo parti në Fushë Kosovë.

Aty u bë prezantimi edhe i dy kandidatëve për deputet nga kjo degë.

Ata janë Mirlinda Kransiqi dhe Laureat Gojnovci.

Abdixhiku tha se kjo dëshmon që thirrja për ndryshim po gjen mbështetje gjithnjë e më shumë.

“Me pjesëmarrje të jashtëzakonshme, me vendosmërinë e njerëzve të ndershëm e punëtor, burra e gra, të rinj e të reja u mblodhën për të treguar se Lidhja Demokratike e Kosovës po rilind si forca kryesore politike në vend! Nga Prishtina në Viti, Pejë, Shtime, Podujevë, Istog, Prizren dhe sonte Fushë Kosovë – uragani i ndryshimit të madh po e pushton çdo qytet e çdo fshat sepse fuqia e tij vjen nga ëndrrat dhe shpresat e qytetarëve të Republikës!”, shkroi Abdixhiku në Facebook.