Agjencia për Ushqim ka asgjësuar 40 ton ushqime të pasigurta në Shkup
Agjencia e Ushqimit dhe Veterinarisë ka asgjësuar mbi 40 ton ushqime të pasigurta nga një depo ilegale në Shkup, transmeton Portalb.mk. Nga AUV thonë se MPB gjithashtu ka gjetur 360 kilogramë produkte të mishit dhe ëmbëlsira në një automjet për transport të mallrave, të cilat gjithashtu janë asgjësuar. “Pas njoftimit nga MPB-ja se në lagjen […]
Agjencia e Ushqimit dhe Veterinarisë ka asgjësuar mbi 40 ton ushqime të pasigurta nga një depo ilegale në Shkup, transmeton Portalb.mk.
Nga AUV thonë se MPB gjithashtu ka gjetur 360 kilogramë produkte të mishit dhe ëmbëlsira në një automjet për transport të mallrave, të cilat gjithashtu janë asgjësuar.
“Pas njoftimit nga MPB-ja se në lagjen Maxhari në Shkup funksionon një depo ilegale e ushqimit, Agjencia e Ushqimit dhe Veterinarisë (AUV) në bashkëpunim me policinë kanë kryer kontroll të jashtëzakonshëm në objekt ilegale ku mbaheshin ushqime me origjinë shtazore dhe jo shtazore. Në objektin që shërbente si depo ushqimore, e cila nuk është e regjistruar në AUV si operator, shërbimet inspektuese të Agjencisë gjetën 40.751 kilogramë produkte të pasigurta (mish të thatë dhe ëmbëlsira), për të cilat është lëshuar vendim dhe të cilat janë asgjësuar”, thonë nga AUV.
Kujtojmë se në shkurt, Agjencia e Ushqimit dhe Veterinarisë (AUV) asgjësoi 1980 kilogramëve mish pule të ngrirë të pasigurt me origjinë nga Polonia. Mishi i paketuar në 180 pako, ishte transportuar me një automjet, i cili ishte konfiskuar paraprakisht.
