Anketa e IRI-t: Portalb, portali më i besueshëm në Maqedoninë e Veriut
Portalb është zgjedhur portali më i besuar për tu informuar mbi zhvillimet politike në Maqedoni, gjegjësisht 2% e të anketuarve e kanë përmendur Portalbin në pyetjen “Cilën media specifike, si kanale televizive specifike, radio stacion, gazetë, faqe interneti, etj. e konsideroni më të besueshme për informacion politik?”, në anketën më të fundit të IRI-t. Portalb […]
Portalb është zgjedhur portali më i besuar për tu informuar mbi zhvillimet politike në Maqedoni, gjegjësisht 2% e të anketuarve e kanë përmendur Portalbin në pyetjen “Cilën media specifike, si kanale televizive specifike, radio stacion, gazetë, faqe interneti, etj. e konsideroni më të besueshme për informacion politik?”, në anketën më të fundit të IRI-t.
Portalb është në fakt i vetmi portal në gjuhën shqipe i përmendur nga të anketuarit si media të cilës i besojnë. Pas tij pason Time.mk në gjuhën maqedonase me 1%.
Sa u përket televizioneve, Alsat është më i besueshëm në aspektin politik në Maqedoninë e Veriut, ndërkaq më pas është TV21 dhe Portalb me nga 2%. Listës, i mungon Radio Televizioni Shtetëror i Maqedonisë, MTV2.
Kjo nuk është hera e parë që Portalbi gjendet në listën e mediave më të besuara shqiptare në vend.
Në skenën mediatike maqedonase, udhëheqë TV Sitel me 39%, ndërkaq më pas vijnë Kanal 5 me 30% dhe Telma me 11%.
Në bazë të kësaj ankete, mbi gjysma e qytetarëve të anketuar kanë deklaruar se mediat në vend janë të lira dhe të pavarura.
Sa i përket drejtimit në të cilin shkon vendi, 78% prej 1.220 të anketuarve kanë deklaruar se shteti po shkon në drejtim të gabuar.
Anketa është realizuar prej 2 shkurt deri më 5 mars, përkatësisht në periudhën para mbajtjes së zgjedhjeve të prillit dhe majit.
Sondazhi gjithashtu tregon mbështetje të gjerë për anëtarësimin në Bashkimin Evropian (BE) dhe një shumicë dërmuese e konsiderojnë luftën e Rusisë kundër Ukrainës si të pajustifikuar.
