Arrihet marrëveshja: Abraham bëhet Rosoner, ylli i Milanit te Roma

Tammy Abraham dhe Alexis Saelemaekers janë duke kaluar testet mjekësore për Milanin dhe Romën, pasi klubet ranë dakord për një shkëmbim huazimi.

Negociatat kishin arritur mbrëmë në një ngërç me një hendek të madh ndërmjet ofertën dhe kërkesës mbi tarifën shtesë që duhet paguar për këtë shkëmbim.

Roma donte 10 milionë euro dhe kuqezinjtë ishin gati të ofronin vetëm 7 milionë euro.

Pra, me afatin e transferimit që po afrohet drejt mbylljes, ata vendosën se ishte më mirë që thjesht të shkëmbenin dy lojtarët në huazim të thjeshtë.

Kjo do të thotë se nuk ka asnjë mundësi për të blerë në fund të sezonit, duke e lënë në mënyrë efektive rrugën për diskutim të mëvonshëm.

Saelemaekers zbarkoi në aeroportin Fiumicino në Romë këtë mëngjes gati për testet mjekësore, ndërsa Abraham bëri të njëjtën gjë në Milano.

Kuqezinjtë e kishin synuar sulmuesin anglez prej muajsh, pasi ai ishte një kërkesë specifike e trajnerit të ri Paulo Fonseca.