Çfarë sjellë Von Der Leyen në Shkup?

Presidentja e KE-së, Ursula von der Leyen nesër do të vizitojë Maqedoninë për një ditë, në kuadër të turneut të saj katërditor nëpër Ballkanin Perëndimor, përcjell FLAKA.

Presidentja e KE-së, Ursula von der Leyen nesër do të vizitojë Maqedoninë për një ditë, në kuadër të turneut të saj katërditor nëpër Ballkanin Perëndimor, me fokus rrugën e integrimit evropian të vendeve dhe planin e rritjes së BE-së prej 6 miliardë euro. Ajo në Shkup do të takohet me presidenten e vendit, Gordana Siljanovska Davkova dhe me kryeministrin Hristijan Mickoski, me të cilët do të ketë një konferencë të përbashkët për media. Sipas disa analistëve, Von Der Leyen do të japë një nxitje për të përshpejtuar reformat, por nuk presin që vizita e saj mund të prishë procesin e integrimit evropian të vendit, të kushtëzuar me ndryshimet kushtetuese.

“Duke ditur që vetë KE-ja varet nga mbështetja e shteteve anëtare, besoj se nuk do të ndërmerrte asnjë hap pa u konsultuar me shtetet anëtare më me ndikim dhe kur vjen puna tek ne, duhet të bëjë konsultime të mëparshme edhe me Bullgarinë fqinje. Unë besoj se nëse KE në thelb dëshiron të tregojë se zgjerimi është në axhendën e saj, do të duhet të bëjë një hap më vendimtar përpara dhe të propozojë një mekanizëm me të cilin vendet anëtare nuk do të kenë mundësinë të bllokojnë vendet kandidate falë disa çështjet dypalësheve”, tha Vasko Naumovski – ish ambasador.

“Duhet bërë shumë punë paraprakisht për të koordinuar procesin, por ndoshta do të ketë udhëzime dhe bindje në atë drejtim, kështu që do të jetë një hap më lart se pozicioni aktual dhe supozoj se në periudhën e ardhshme, nëse ne mendojmë fare racionalisht, do të duhet të gjendet një zgjidhje dhe për ne si Maqedoni”, tha Mersel Bilalli – analist politik.

Sipas Naumovskit, është mirë që autoritetet ne Maqedoni kanë një iniciativë për shkrirjen e procesit, siç është ideja e ndryshimeve kushtetuese me efekt të vonuar, ndërsa Bilalli vlerëson se një propozim i tillë është politikisht i pafavorshëm dhe se duhet të gjenden zgjidhje të tjera.

“Mendoj se duhet të kemi dy procese që duhet të ecin paralelisht, duhet t’i paraqesim idetë dhe zgjidhjet tona para instituteve evropiane dhe anëtarëve të shtetit, natyrisht në të njëjtën kohë duhet të përpiqemi të bisedojmë me qeverinë e re të Bullgarisë”, tha Vasko Naumovski – Ish ambasador.

“Ka metoda të tjera, mund të bëhet një qasje shumë më fleksibël, nëse Bullgaria jep një deklaratë ose një institucion tjetër evropian se nuk do të ketë kushte të tilla që do ta varnin vendin nga parimet e Kopenhagës, ose me një deklaratë me të cilën Bullgaria do të pranojë aktgjykimet e GJND-së, do të thotë se ka metodologji nëse ka vullnet politik”, tha Mersel Bilalli – analist politik.

Axhenda e Von der Leyen për të vizituar vendet e Ballkanit Perëndimor fillon sot në Shqipëri, nesër ajo do të vizitojë Maqedoninë dhe Bosnjën e Hercegovinën, pastaj do të vazhdojë në Kosovë, Serbi dhe Mal të Zi. FLAKA

The post Çfarë sjellë Von Der Leyen në Shkup? appeared first on Flaka, në çdo lajm... .