“Deklarata e Mickovskit është populiste, Marrëveshja me BE-në patjetër të respektohet”

Publicisti Driton Zenku në një prononcim për Frontline.mk, ka deklaruar që deklarata e Mickovskit është populiste nga fakti që Bashkimi Europian ka kritere dhe nuk https://frontline.mk/2024/09/20/zenku-iz-avata-na-mickoski-e-populistichka-dogovorenoto-so-eu-mora-da-se-pochituva/ që brenda unionit të inkuadrohen shtete që kontestohen nga shtetet anëtare, duke komentuar deklaratën e tij që rruga drejt BE-se nuk duhet te jete penge i kontesteve bilaterale.

“Kontestet bilaterale mbajnë peng vendet e Ballkanit. Është fakt që shtetet e Ballkanit historikisht janë grindur me njëri tjetrin dhe kontestet mes tyre kanë penguar njëra tjetrën në proceset integruese. Deklarata e Mickovskit është populiste nga fakti që Bashkimi Europian ka kritere dhe nuk lejon që brenda unionit të inkuadrohen shtete që kontestohen nga shtetet anëtare. Në BE nuk ka vend për grindje”, tha Zenku.

Sipas tij, Maqedonia e Veriut është zotuar me një marrëveshje bilaterale me Bullgarinë me ndërmjtësimin e BE-së, dhe nuk është në pozicion që të refuzon nëse dëshiron të fillon negociatat për anëtarësim.

“Mickovski tregon “muskujt” ndaj Bullgarisë që ka të drejt vetoje dhe ndaj Bashkimit Europian ku RMV dëshiron të integrohet. Nuk ka sens politik që nga roli i aplikuesit të dikton rregulla. Punonjësi që aplikon në një vend pune, nuk jep kushte por i plotëson kriteret e caktuara nga punëdhënësi. Në këtë rast, kushti është ndryshimi i kushtetutës”, tha Zenku. Flaka Media

Linku i lajmit në gjuhën maqedone: Зенку: Изјавата на Мицкоски е популистичка, договореното со ЕУ мора да се почитува

The post “Deklarata e Mickovskit është populiste, Marrëveshja me BE-në patjetër të respektohet” appeared first on Flaka, në çdo lajm... .