Drejtoria e Doganave të RMV-së parandaloi përpjekjet për kontrabandë ilaçesh dhe furnizime mjekësore

Drejtoria e Doganave të Maqedonisë së Veriut njoftoi se parandaluar përpjekje për të kontrabanduar ilaçe, materiale dentare, syze me dioptër, një sasi e madhe cigaresh, një motoçikletë, pajisje UPS për furnizim me energji elektrike dhe mallra të tjera, transmeton Portalb.mk.

“U pengua një përpjekje për të kontrabanduar ilaçe në pikën kufitare Deve Bair. U sekuestruan pesë ampula Genotropin GoQuick prej 12 mg, që përdoren për mungesën e hormonit të rritjes, dhe 50 flakona Dysport, një tretësirë ​​injektuese, që përdoret për distoninë cervikale dhe qëllime të tjera mjekësore, importi i të cilave në vend i nënshtrohet lejeve të posaçme nga institucionet kompetente dhe është i rregulluar në mënyrë strikte. Departamenti i Kontrollit dhe Hetimeve ka ngritur kallëzim penal kundër autorit të krimit. Rasti u zbulua nga oficerët doganorë në hyrje të vendit në pikën kufitare Deve Bair gjatë një kontrolli të një autobusi që udhëtonte në linjën Maqedoni e Veriut – Turqi – Maqedoni e Veriut. Përveç ilaçeve, në çantën e shoferit u gjetën 20 kuti me mjaltë me nga 170 kg, 177 copë çokollatë, tre kilogramë çaj, si dhe mbi 40 copë xhinse me logo të mbrojtura të markave tregtare”, thonë nga Dogana.

Një ekip mobil sekuestroi mbi një mijë copë materiale dentare, duke përfshirë pajisje implantesh, materiale për prodhimin e kurorave dhe urave, materiale mbushëse dentare, produkte zbardhuese dhëmbësh, gomëza dentare dhe materiale të tjera dentare. Ato u zbuluan në hyrje të vendit në pikën kufitare Bogorodicë gjatë një kontrolli të një makine me të cilën udhëtonte një shtetas I Maqedonisë së Veriut. Kryesi i veprës penale, një shtetas I Maqedonisë së Veriut, donte të kontrabandonte mallrat në vend pa i deklaruar ato, importi i të cilave është i rregulluar në mënyrë strikte dhe i nënshtrohet gjithashtu lejeve të posaçme. Ndaj tij janë nisur procedurat përkatëse.

U sekuestruan mbi 600 copë syze me diopter për të cilat importuesi nuk kishte leje importi. Rasti u zbulua në zyrën doganore të Gjevgjelisë gjatë kontrollit të mallrave të ndryshme me origjinë nga Kina, të cilat ishin deklaruar për zhdoganim importi.

“Shërbimi i skanerit mobil në pikën kufitare të Tabanocit parandaloi gjithashtu përpjekjet për të kontrabanduar pajisje UPS të përdorura për furnizim të pandërprerë me energji elektrike. E njëjta u zbulua gjatë një skanimi dhe inspektimi të kamionit, gjatë të cilit në kabinë u zbuluan dy pjesë të pajisjeve UPS “Delta MH”. Në një rast tjetër, gjatë një kontrolli të një kamioni me targa bullgare, u sekuestruan rreth 300 copë veshjesh, të cilat ishin fshehur në vende të ndryshme të automjetit”, thonë nga Dogana.

Shtetasi i Maqedonisë së Veriut u përpoq të importonte ilegalisht gjashtë mijë euro përmes pikës kufitare Tabanovc, si dhe një sasi të madhe veshjesh, këpucë, çanta dore dhe portofole që donte t’i kontrabandonte pa paguar detyrime. Ai u ndalua nga oficerët e doganës, të cilët, nga dyshimet, ndaluan makinën me të cilën po udhëtonte për një kontroll të detajuar, gjatë të cilit u gjetën mallrat e padeklaruara. Pasagjeri mbante me vete 16 mijë euro, nga të cilat dhjetë mijë euro iu kthyen në përputhje me ligjin për operacionet e këmbimit valutor, ndërsa pjesa tjetër iu konfiskua. Përveç kësaj, mallra të tjera të padeklaruara u gjetën në disa çanta në hapësirën e bagazheve, duke përfshirë rreth 100 copë veshje, shtatë palë këpucë, dy çanta dore dhe dy portofole, dhe të njejtat u sekuestruan. Ndaj tij do të ngrihen akuza përkatëse.

Doganierët në pikën kufitare Tabanovc parandaluan gjithashtu një përpjekje për të kontrabanduar një motoçikletë motocross, e gjetur në një makinë me targa gjermane në të cilën udhëtonte një shtetas i Maqedonisë së Veriut. Gjatë kontrolleve kufitare, u zbuluan gjithashtu përpjekje për të kontrabanduar 20 copë rripa printeri, mbi 70 copë veshje, pjesë pajisjesh dhe mallra të tjera që pasagjerët nuk i kishin deklaruar kur hynë në vend, me qëllim që të shmangnin pagesën e detyrimeve.

Një rast kundërvajtjeje u zbulua gjithashtu në pikën kufitare Tabanovc, ku një udhëtar u përpoq të importonte ilegalisht mbi dy mijë objekte të ndryshme fetare (kryqe druri, rruzare të endura, rruzare me rruaza dhe varëse prej metali dhe druri). Rasti u zbulua gjatë një kontrolli të një autobusi që udhëtonte në linjën Beograd-Uranopolis, gjatë të cilit mallrat e padeklaruara u zbuluan në çantën e pasagjerit.

Gjatë kontrollit të tre kamionëve dhe një makine në hyrje të vendit në pikën kufitare Bogorodicë, u sekuestruan 58 pako cigare. Shoferët e kamionëve i fshehën pakot e cigareve në vende të ndryshme, nën dyshekun e krevatit, në ndarjen e veglave dhe madje edhe në filtrin e ajrit. Në të gjitha rastet e kontrollit, oficerët doganorë zbuluan me sukses qëllimet e shoferëve, duke i penguar ata të përpiqeshin të kontrabandonin cigare. Që nga fillimi i këtij viti,në zyrën doganore të Gjevgjelisë janë sekuestruar gjithsej 700 pako cigare.