Faton Peci nga Koshtova: Mitrovica do të ketë transport publik, infrastrukturë moderne dhe mjedis të pastër

Kandidati për kryetar të Mitrovicë, Faton Peci, ka zhvilluar një takim me banorët e Koshtovë, buzë lumit Ibër, në tokën e Avni Kushtova, ku ka prezantuar disa nga prioritetet kryesore të programit të tij qeverisës.

Në mesin e zotimeve të tij janë:
Vendosja e transportit publik me lehtësira në pagesë;
Menaxhim më i mirë i ujërave të zeza;
Sigurimi i të drejtës së pronësisë dhe mbrojtja e tokës bujqësore;
Mbyllja e deponisë së mbeturinave dhe krijimi i një unaze mbrojtëse të gjelbër me specie drunore që kanë aftësi dekontaminuese;
Përmirësimi i infrastrukturës rrugore, përfshirë ndërtimin e trotuareve dhe ndriçimit publik.

“Për ty, Mitrovica ime,” ka shkruar Peci, duke theksuar se vizioni i tij është një qytet më i pastër, më funksional dhe me më shumë mundësi për qytetarët.