Filkov: Të gjitha ligjet që janë pjesë e kornizës reformuese janë përgatitur ose janë në fazën përfundimtare të miratimit
Ministri i Drejtësisë Igor Filkov në konferencën e sotme për shtyp u ndal edhe te Agjenda Reformuese dhe ligjet që janë përgatitur ose janë në fazën përfundimtare të miratimit gjatë 10 muajve të fundit. Ai shtoi se janë përgatitur: Propozim Ligji për Këshillin gjyqësor, Propozim Ligji për Prokurorinë publike, Propozim Ligji për pagat e prokurorëve […]
Ministri i Drejtësisë Igor Filkov në konferencën e sotme për shtyp u ndal edhe te Agjenda Reformuese dhe ligjet që janë përgatitur ose janë në fazën përfundimtare të miratimit gjatë 10 muajve të fundit. Ai shtoi se janë përgatitur: Propozim Ligji për Këshillin gjyqësor, Propozim Ligji për Prokurorinë publike, Propozim Ligji për pagat e prokurorëve publikë, Kodi Penal, Propozim Ligji për procedurën penale dhe Propozim Ligji për shërbimin gjyqësor, transmeton Portalb.mk.
Në plan dhe në përgatitje janë:
- Propozimi i Ligjit për buxhetin gjyqësor
- Propozimi i Ligjit për Këshillin e prokurorëve publikë
- Propozimi i Ligjit për shërbimin e prokurorisë publike
- Ndryshimet në Kodin Zgjedhor, me mbështetje nga ODIHR
- Ligjet që rregullojnë pagat e gjyqtarëve, prokurorëve publikë dhe shërbimit të prokurorisë publike
- Ligji për qasje të lirë në informacionet me karakter publik
- Ligji për faljen
- Ligji për ekspertizën
- Ligji për noterinë
- Ligji për përmbarimin
- Ligji për probacionin
- Ligji për ekzekutimin e sanksioneve
- Ligji për konfiskimin e pronës në procedurë civile
- Ligji për mbrojtjen e të dhënave personale
“Agjenda reformuese ka afate deri në të cilat ligji duhet të miratohet nga Kuvendi. Nga ana tjetër, Programi vjetor i Qeverisë përfshin një fazë të mëparshme — kur ligji duhet të dorëzohet në ENER ose në Qeveri. Në mesatare, procedura parlamentare zgjat dy muaj. Për disa ligje, ekzistojnë faktorë të jashtëm. Kodi zgjedhor, për shembull, kërkon një konsensus të gjerë politik”, tha Ministri i Drejtësisë Igor Filkov.
Ministri theksoi se po shkohet drejt ndryshimeve cilësore dhe zgjidhjeve ligjore në interes të qytetarëve, jo siç ka qenë deri tani praktika për t’u miratuar në interes të individëve ose grupeve të interesit që në të kaluarën kanë sjellë ndryshime në dëm të qytetarëve, në mënyra që të gjithë i njohim.
“Ligjet janë këtu, të përgatitura, të dorëzuara, të publikuara në mënyrë transparente. Ne nuk do të lejojmë që reformat të bëhen viktimë e politikës ditore ose e inercisë burokratike. Prandaj do ta përsëris: reformat nuk janë një dëshirë, por një përgjegjësi. Dhe Ministria e Drejtësisë e mban atë përgjegjësi deri në fund”, theksoi Filkov.
Kujtojmë se dy javë më parë, Ministria e Drejtësisë njoftoi se Propozim-ligji për shërbim gjyqësor është përgatitur dhe publikuar në ENER, deri në qershor të vitit 2025 duhet të miratohet.
Ndaj, theksojnë se ka filluar hartimi i këtij ligji, i cili përfshin rekomandimet e disa raporteve dhe dokumenteve vendase dhe ndërkombëtare që kanë të bëjnë me nevojën për përmirësimin e statusit të shërbimit gjyqësor, të përfshira në Strategjinë për Burimet Njerëzore në Shërbimin Gjyqësor dhe rekomandimet nga Agjenda e Reformës.
