Fruthi kapi fëmijën gjashtëvjeçar të pavaksinuar nga Struga
Një fëmijë gjashtëvjeçar nga fshati Labunishtë i Strugës është rasti i parë i konfirmuar i fruthit këtë vit kalendarik. Rastin e konfirmoi pasditen e sotme Instituti i Shëndetit Publik (ISHP), transmeton Portalb.mk. “Simptomat e para të lidhura me sëmundjen aktuale u shfaqën më 25 ma, temperaturë (deri në 40°C), të vjella dhe jashtëqitje të lëngshme. […]
Një fëmijë gjashtëvjeçar nga fshati Labunishtë i Strugës është rasti i parë i konfirmuar i fruthit këtë vit kalendarik. Rastin e konfirmoi pasditen e sotme Instituti i Shëndetit Publik (ISHP), transmeton Portalb.mk.
“Simptomat e para të lidhura me sëmundjen aktuale u shfaqën më 25 ma, temperaturë (deri në 40°C), të vjella dhe jashtëqitje të lëngshme. Nga 30 maji u shfaq eritema, skuqje makulopapulare në fytyrë, kollë dhe konjuktiva hiperemike. Më 1 qershor, skuqja u përhap në të gjithë trupin dhe u regjistruan ndryshime aftoze në zgavrën e gojës (njollat e koplikut). Të njëjtën ditë nga spitali i përgjithshëm i Strugës është transportuar në Klinikën për sëmundje të fëmijëve në Shkup, ku është shtruar në spital”, njoftoi ISHP.
Fëmija nuk ishte vaksinuar me vaksinën MRP.
Vaksinimi kundër lisë kryhet vazhdimisht dhe është i detyrueshëm me 2 doza të vaksinës MRP. Doza e parë konsiderohet si vaksinimi parësor dhe duhet të jepet në vitin e parë të jetës së fëmijës. Rivaksinimi bëhet në moshën gjashtë vjeçare.
Në RMV, mbulimi me dozën e parë të MRP në vitin 2023 në nivel vendi është 73,4%, ndërsa në Strugë është 82,9%. Mbulimi me rivaksinim në nivel vendi në vitin 2023 është 87,7%, ndërsa në Strugë është 93,9%.
Vaksinimi primar me vaksinën MRP në vitin 2023 shënoi rënie krahasuar me mbulimin mesatar të regjistruar në 5 vitet e fundit (74,4% në shkallë vendi), ndërsa rivaksinimi në vitin 2023 shënoi rritje krahasuar me mesataren (85,1% në nivel kombëtar).
Kujtojmë që vitin e kaluar më 3 prill, një foshnjë 13 muajshe u sëmur nga fruthi në Sveti Nikole, por sëmundja nuk u përhap.
