FSK vazhdon operacionet për fikjen e zjarreve në vend

Forca e Sigurisë së Kosovës ka vazhduar edhe sot me operacionet për fikjen e zjarreve në disa vatra aktive, në Prevallë dhe zona të tjera të Kosovës.

Në një postim në Facebook, Ministria së Mbrojtjes të Kosovës bënë të ditur se FSK po vazhdon të mbështet autoritetet civile në vend në menaxhimin dhe shuarjen e zjarreve.

“Forca e Sigurisë së Kosovës ka vazhduar me operacionet për fikjen e zjarreve në disa vatra aktive si në Prevallë e zona të tjera në Kosovë, duke mbështetur autoritetet civile në vend, gjatë ditës së djeshme edhe sot po vazhdon menaxhimi dhe shuarja e zjarreve”, njofton kjo ministri.