Genta Ismajli rikthehet më fuqishëm se kurrë

Pas një periudhe shkëputjeje nga muzika, këngëtarja e njohur Genta Ismajli po rikthehet në vëmendje me postime të reja.

E njohur për hitet e saj dhe stilin unik, Genta ka qenë larg skenës për një kohë të gjatë, duke iu përkushtuar familjes së saj.

Kujtojmë që ajo është bërë nënë e dy binjakëve, një moment i rëndësishëm në jetën e saj që e ka mbajtur disi larg muzikës, shkruan “Kosovarja”.

Së fundmi, ajo ka shpërndarë foto ku shfaqet e kuruar dhe në super formë, duke bërë që fansat të aludojnë për një rikthim të mundshëm në muzikë.

Ajo ende nuk ka konfirmuar zyrtarisht një projekt të ri, por duket se diçka po përgatitet. A do të kemi një këngë të re së shpejti? Mbetet për t’u parë!