Heidi Klum thyen kodin e veshjes në Festivalin e Filmit në Kanë

Heidi Klum tregoi edhe një herë se është një nga figurat më të guximshme të modës, duke thyer rregullat e reja të vendosura nga Festivali i Filmit në Kanë.

Në ceremoninë hapëse, ajo u shfaq me një fustan voluminoz floral të stilistit Elie Saab, me një bisht dramatik që zvarritej në dysheme – një element që bie ndesh me një nga rregulloret e reja të festivalit.

Sipas udhëzimit zyrtar të festivalit:

“Veshjet voluminoze, veçanërisht ato me bisht të gjatë që pengojnë qarkullimin e të ftuarve dhe e vështirësojnë uljen në sallë, nuk lejohen”.

Ish-anëtarja e jurisë së “Project Runway”, 51 vjeç, e veshi fustanin rozë të çelët, pa rripa, në shfaqjen e filmit “Partir Un Jour” (“Të largohesh një ditë”), të cilin e kombinoi me këpucë metalike me majë dhe bizhuteri të shkëlqyera nga Lorraine Schwartz.

Megjithatë, Klum — e njohur për shfaqjet e saj provokuese si në tapetin e kuq ashtu edhe në rrjetet sociale — kësaj here ishte më e mbuluar se zakonisht, në përputhje me një tjetër rregull të ri të festivalit.

Sipas rregullave të reja të festivalit në Kanë, ekspozimi i tepërt është i ndaluar.