Insinuatë: Ambasada amerikane dhe USAID nuk kanë asnjë lidhje me vrasjen e dyfishtë për të cilën akuzohet Palevski

As Ambasada e SHBA-së dhe as USAID-i (USAID aktualisht nuk financon asnjë projekt në Maqedoninë e Veriut) nuk luajnë “ndonjë rol” në paraqitjen e prezumimit të pafajësisë si selektiv, shkruan Sbunker.

Po shqyrtojmë një postim në rrjetin social Facebook në të cilin janë ndarë insertet nga dy intervistat e fundit me avokatin e Ljupço Palevskit (Jovica Strashevski), dhënë për emisionet “Pretres” të Kristijan Landovit dhe “Vo Centar” të Vasko Eftov.

Në njoftim thuhet:

Nëse jeni kundër NATO-s satanike dhe BE-së pedofile, atëherë jeni një përbindësh vrasës, apo jo, veriorët nga territori i quajtur VEND VERIOR. Nëse jeni kundër NATO-s satanike dhe BE-së pedofile
Ja si mund të jesh përbindësh, shiko këtë video https://www.facebook.com/share/r/1KdRanagPp/

Pas të dyja intervistave, do të doja të bëja pyetjet e mëposhtme:
1. Kush në vend i konsideron këto dy raste fatkeqe si “ndikues” në të ashtuquajturin bllok politik të djathtë, sidomos në popullin maqedonas?
2. Kush i ka trajnuar se si të kryejnë investigime politike gazetareske, duke pasur parasysh se të dy përdorin të njëjtin narrativ agresiv, të njëjtin shantazh, të njëjtën strategji për të mashtruar avokatin që të heqë dorë nga mbrojtja e Palços, të njëjtat provokime, të njëjtat nënçmime të avokatit, të njëjtat sulme morale, etj.?….. lexo KALAJA dhe USAID
3. Për sa para pranuan të luanin këtë rol të poshtër, duke i paraqitur publikut se prezumimi i pafajësisë, si çdo gjë tjetër në drejtësi dhe prokurori, mund të jetë selektiv?
4. Skenari i kujt është që këta të dy tentojnë të paraqesin dhe shtyjnë publikun, duke e drejtuar publikun në drejtim të kundërt nga autorët e vërtetë? lexo USAID-i dhe ambasada amerikane në Kala.
Shpresoj që koha do t`i vendos në vendin e historisë sipas efektivitetit të tyre.

Nuk është e vërtetë se në njoftim thuhet se USAID-i apo Ambasada Amerikane në Maqedoninë e Veriut kanë pasur ndonjë lidhje me vrasjet dhe kidnapimet e 14-vjeçares Vanja Gjorçevska dhe 74-vjeçarit Pançe Zhezovski. Në fakt, më 16 dhjetor 2023, ambasadorja amerikane Angela Aggeler kritikoi ashpër autoritetet maqedonase për ndërtimin e kulturës së mosndëshkimit. Në emisionin “Stadiumi” në Kanal 77, ajo tha se institucionet kanë qenë në dijeni që të dyshuarit janë kriminelë, por nuk i kanë sanksionuar. Aggeler tha mjaft prerazi se e reja Vanka pagoi çmimin që kriminelët nuk u arrestuan dhe nuk u burgosën për krimet e tyre të mëparshme.

Gazetarët që i bëjnë intervistat me avokatin e Palevskit, Jovica Strashevski, e kanë konceptin e tyre gazetaresk dhe lirinë për të bërë pyetje të çdo lloji, dhe paraqitja mysafire e avokatit të Palevskit nuk ka qenë e detyruar, gjegjësisht ai e ka pranuar ftesën me pëlqimin e tij. Rrjedhimisht, ai ka edhe mundësinë, të cilën e shfrytëzon në të dyja intervistat, për t’iu përgjigjur pyetjeve të gazetarëve.

Arsyet pse Ljupço Palevski është i dyshuari kryesor për vrasjen e Vanja Gjorçevskës dhe Pançe Zhezovskit nuk lidhen me faktin se ai mbrojti pozita anti-BE dhe anti-NATO në angazhimet e tij politike në partinë “Desna”, por sepse Prokuroria Themelore Publike ngriti akuza pas ekstradimit nga Turqia. Gjithashtu, brenda prokurorive dhe në vetë gjykatat ka procedura që çdo aktakuzë duhet të kalojë para se të arrijë në gjykim. Në kuadër të këtyre procedurave, aktakuzat shqyrtohen nga një sërë prokurorësh dhe gjyqtarësh pikërisht për të mos lejuar që aktakuzat e pabazuara të arrijnë në gjykim.

Të gjithë në Maqedoni е Veriut janë të pafajshëm derisa të vërtetohet fajësia, por gjykimi është publik dhe transmetohet nga mediat, të cilat e përcjellin në gjykatën penale përmes gazetarëve. Rrallë ndodh që çështjet të transferohen nga të gjitha seancat me detaje, por kjo është e pritshme duke pasur parasysh peshën e krimeve të akuzuara ndaj të pandehurve. Prandaj në opinion ka kaq shumë informacione për deklaratat e të pandehurve. Të gjithë të pandehurit dhe avokatët e tyre mbrojtës marrin mbulim mediatik dhe publiku, për shkak të morisë së teksteve dhe detajeve informative që dalin nga gjykimet, ka interes dhe formon opinione për çështjen. Postimi bën një përpjekje konspirative për t’ia atribuar faktin se Palevski ishte i pandehuri kryesor në vrasje, pikëpamjeve të tij politike antiperëndimore. Mirëpo, situata me aktakuzën nuk është e tillë, më saktë vendimin përfundimtar do ta marrë gjykata dhe Prokuroria, duke besuar se ka prova të mjaftueshme, ka siguruar ekstradimin e tij. Nga seancat ka prova verbale, ku të akuzuarit e përmendin atë.

Postimi shpërndan gjithashtu pamjet video të një maskë fytyre për ndryshimin e identitetit, për të përhapur një teori konspirative ose për të nënkuptuar se dikush kishte veshur një maskë të tillë gjatë vrasjeve. Por kjo sërish bëhet e paqartë dhe nuk kuptohet se cili është qëllimi i vendosjes së videove të tilla.

Nuk është e vërtetë ajo që thuhet në njoftimin se gazetarët në të dyja intervistat kanë tentuar ta detyrojnë të hamendet avokatin e Palevskit që ta mbrojë klientin e tij. Në fakt, vetë avokati Jovica Strashevski në intervista thotë se nëse sheh prova kundër Palevskit do të heqë dorë nga mbrojtja e tij. Një nga avokatët e Palevskit tashmë ka hequr dorë nga çështja. Dy intervistat, në fakt, i japin hapësirë ​​mbrojtësit të të akuzuarit të parë, Palevskit, që të paraqesë mbrojtjen e klientit të tij. Ato intervista janë të gjata dhe formati i emisioneve përfshin lirinë për pyetje konfrontuese.

As Ambasada e SHBA-së dhe as USAID-i (USAID aktualisht nuk financon asnjë projekt në Maqedoninë e Veriut) nuk luajnë “ndonjë rol” në paraqitjen e prezumimit të pafajësisë si selektiv. Në vend të gjithë janë të pafajshëm derisa të vërtetohet fajësia në gjykatë, por në formate gazetareske lejohet të bësh pyetje të çdo lloji. Për më tepër, postimi pretendon, pa asnjë provë, se “gazetarët po zbatojnë një skenar për të drejtuar publikun në drejtim të kundërt nga autorët e vërtetë”, të cilët gjithashtu deklarohen në mënyrë të rreme se janë “USAID dhe Kalaja”.

Pretendimet për “NATO-n satanike” dhe “BE-në pedofile” janë teori konspirative, të cilat Vërtetmatësi i ka hedhur poshtë më parë. Këtu do të përmendim vetëm se abuzimi seksual i fëmijëve në vendet e industrializuara, ku bëjnë pjesë anëtarët e BE-së, është shumë më i ulët se në pjesët e tjera të botës, siç bëhet e ditur nga raporti i UNICEF-it 2020 (f. 57). Vërtetmatësi gjithashtu ka hedhur poshtë më parë teoritë e konspiracionit rreth vrasjes së Vanja Gjorçevskës dhe Pançe Zhezovskit.

Për të gjitha faktet e mësipërme, ne e vlerësojmë publikimin që po shqyrtojmë si të pavërtetë.