Iu refuzua kërkesa për vizitë në Preshevë, reagon Çeku: Lojë e ndytë e Serbisë

Ministri i Kulturës i Kosovës, Hajrulla Çeku, ka reaguar pas i është refuzuar kërkesa për të vizituar Luginën e Preshevës nga autoritetet serbe, vetëm një orë para kohës së planifikuar për udhëtim. Kërkesa ishte bërë me qëllim të një vizite për të takuar kryetaren e Komunës së Preshevës, Ardita Sinani, si dhe për të vizituar

dhjetor 19, 2024 - 19:00

0 6

Iu refuzua kërkesa për vizitë në Preshevë, reagon Çeku: Lojë e ndytë e Serbisë

iu-refuzua-kerkesa-per-vizite-ne-presheve,-reagon-ceku:-loje-e-ndyte-e-serbise

Ministri i Kulturës i Kosovës, Hajrulla Çeku, ka reaguar pas i është refuzuar kërkesa për të vizituar Luginën e Preshevës nga autoritetet serbe, vetëm një orë para kohës së planifikuar për udhëtim.

Kërkesa ishte bërë me qëllim të një vizite për të takuar kryetaren e Komunës së Preshevës, Ardita Sinani, si dhe për të vizituar disa institucione kulturore dhe rinore të rajonit.

Çeku ka shprehur shqetësimin se ky veprim nga ana e Serbisë është një shkelje e Marrëveshjes së Brukselit, që parashikon një afat 48-orësh për përgjigje në kërkesat për vizita zyrtare.

“Serbia e vazhdon lojën e ndytë, në Bruksel flet për konstruktivitet dhe avancim në zbatim të marrëveshjes për vizita zyrtare, ndërsa ende pa u kthyer në Beograd refuzon kërkesën tonë.

Përkundër që kemi ndjekur dhe respektuar të gjitha procedurat e nevojshme për tu pajisur me leje që të zhvillojmë një vizitë në Luginën e Preshevës, kjo na u mohua nga institucionet e Serbisë. Qeveria e Serbisë refuzoi hyrjen në Serbi vetëm një orë para kohës së planifikuar, duke shkelur afatin 48-orësh të përgjigjes, siç parashihet në Marrëveshjen e Brukselit”, ka shkruar Çeku në Facebook.