Izraeli raportohet se ka vrarë mbi 20 komandantë të lartë iranianë në sulmet ajrore

Së paku 20 komandantë të lartë iranianë, përfshirë Amir Ali Hajizadeh, komandantin e Forcës së Aerohapësirës të Rojave Revolucionare të Iranit, u vranë në sulmet izraelite të premten, njoftuan burime rajonale për Reuters.

Ushtria izraelite konfirmoi vdekjen e Hajizadeh dhe të komandantëve të tjerë, të cilët ndodheshin në një qendër nëntokësore komandimi, ku po përgatiteshin për një sulm kundër Izraelit. Qendra u godit nga aeroplanë luftarakë në një operacion të koordinuar.

Mes viktimave janë edhe komandantët e njësive të dronëve dhe mbrojtjes ajrore të Rojave Revolucionare, tha ushtria izraelite, duke theksuar rëndësinë strategjike të këtij goditjeje.