“Kanë qenë disa foto mes Naimit dhe Bjondinës, gruas së Kanonit”, deklarata e babait të Naim Murselit në polici pak ditë pasi kishte ndodhur rasti

Në seancën gjyqësore për vrasjen e Liridona Ademajt, mungon dëshmitari Shaban Murseli, babai i Naim Murselit.

Por, kryetarja e trupit gjykues ka lexuar dëshminë e Shaban Murselit të dhënë në polici më 6 dhjetor të vitit 2023.

I pyetur nëse dinte ndonjë problem mes Naimit dhe Liridonës, Shaban Murseli kishte deklaruar se e dinte për një rast ku përfshihej djlai i hallës së Naimit, Kanoni bashkë me gruan e tij, Biondinën.

Ai kishte deklaruar për disa fotografi të shkëmbyera mes Naimit dhe gruas së Kanonit, Biondinës, siç kishte thënë “foto normale, jo intime”, por që ishin marrë vesh Liridona dhe Naimi që ta mbyllnin me aq si problem.

“Kanë qenë disa foto mes Naimit dhe Bjondinës, gruas së Kanonit, Bjondinës, foto normale, jo intime”, thuhej mes tjerash në deklaratën e babait të Naim Murselit në polici pak ditë pasi kishte ndodhur rasti në 2023.

Liridona Ademaj u vra më 29 nëntor të vitit 2023 me një plumb në qafë në një zonë të fshehtë në fshatin Sinidoll të Prishtinës.