Kasami: Llërca e dëshmoi lirinë, demokracinë dhe të qenurit e pagjunjëzuar

Lideri i Lëvizjes BESA Bilall Kasami ka komentuar rezultatin në fshatin Llërcë, ku koalicioni VLEN fitoi edhe një mandat nga ripërtëritja e votimeve.

“Llërca e dëshmoi lirinë, demokracinë dhe të qenurit e pagjunjëzuar. Një falënderim të madh të gjithë banorëve të Llërcës, veçanërisht mërgimtarëve, të ciilët sot udhëtuan me mijëra kilometra për të votuar me dinjitet për Ndryshimin që VLEN!

Fronti multietnik dëshiroi që me vota të manipuluara të tjetërsoj vullnetin e qytetarëve. E tani shqiptarët u thonë atyre që e shpallën veten “boksier” në politikë, le ta hedhin peshqirin e bardhë se populli i shtriu në dysheme”, shkroi Kasami. (INA)