Komunat e Maqedonisë së Veriut që kanë pasur më shumë lindje sesa vdekje

Në Maqedoninë e Veriut në tremujorin e katërt të vitit 2024 janë regjistruar 3 968 lindje dhe 5 174 vdekje, ndërkohë në disa komuna ka pasur më shumë lindje sesa vdekje, transmeton Portalb.mk.

Në Saraj ka pasur 106 lindje më shumë sesa vdekje, në Çair 103, në Studeniçan 48, në Tetovë 43, etj. Ndërkohë më shumë vdekje sesa lindje ka pasur në Prilep (-132), Manastir (-109), Veles (-78), Kisellavod (-74), Shtip (-70), Koçani (-70), etj.

Krahasuar me tremujorin e vitit paraprak, numri i lindjeve është ulur për 4.2 përqind, ndërsa numri i vdekjeve është ulur për 1 përqind.