Kongresmeni Turner dhe Sanchez në Shkup u takuan me Mickoskin dhe Misajllovskin

Kryeministri i Maqedonisë së Veriut, Hristijan Mickoski, dhe Ministri i Mbrojtjes, Vllado Misajllovski, zhvilluan takim me kongresmenët amerikan Mike Turner dhe Linda Sanchez, transmeton Portalb.mk.

“Ambasada e SHBA-së në Maqedoninë e Veriut ka nderin të mirëpresë në Shkup kongresmenin Mike Turner dhe kongresmenen Linda Sánchez. Ata zhvilluan një takim produktiv me kryeministrin Hristijan Mickoski dhe ministrin e Mbrojtjes Misajlovski, ku u bisedua për bashkëpunimin e fortë ushtarak dhe dypalësh ndërmjet Shteteve të Bashkuara të Amerikës dhe Maqedonisë së Veriut”, njoftuan nga Ambasada Amerikane në Shkup.

Ambasada theksoi që partneriteti dhe bashkëpunimi mes dy vendeve do të vazhdojë për sigurinë dhe stabilitetin në rajon.