Kontingjenti i Ushtrisë Bullgare, certifikohet për të marrë pjesë në KFOR

Një kontingjent i Forcave të Armatosura Bullgare është certifikuar për të marrë pjesë në operacionin paqeruajtës të udhëhequr nga NATO në Kosovë, KFOR, tha të enjten Ministria e Mbrojtjes e Bullgarisë.

Aftësitë luftarake të kontingjentit u vlerësuan nga një komitet i Komandës së Forcave të Përbashkëta dhe Forcave Tokësore gjatë një stërvitje taktike të kompanisë të mbajtur në Zonën e Stërvitjes Koren, Rajoni i Haskovës, Bullgari.

“Kontingjenti përbëhet kryesisht nga ushtarakë të Regjimentit të 4-të të Artilerisë. Ai përfshin gjithashtu personel shërbimi nga Regjimenti 101 Alpin dhe Regjimenti 110 i Logjistikës i Forcave Tokësore, si dhe personel shërbimi nga Sistemi Mobil i Komunikimit dhe Informacionit të Komandës së Forcave të Bashkuara”, u tha në njoftimin e ministrisë bullgare të mbrojtjes.

Majori Milen Zlatev i Regjimentit të IV-të të Artilerisë është komandant i elementit mbështetës kombëtar dhe ndihmës komandant kombëtar i kontingjentit.

“Komandant i kompanisë së manovrimit është kapiteni Kalojan Dimitrov i Regjimentit të IV-të të Artilerisë”, thuhet në njoftimin për media të Ministrisë. /Klankosova.tv